Loading

הארצרייסענדע אויפטריט פון הבחור נתן שלאנגער אין אנדענק פון זיין טאטען הרב אליהו שלאנגער וועל איז אומגעקומען פאריאר חנוכה אין די באנדי ביעטש - אסטראליע טעראר אטאקע

ו כסלו תשפ"ז

0 40
Main image for הארצרייסענדע אויפטריט פון הבחור נתן שלאנגער אין אנדענק פון זיין טאטען הרב אליהו שלאנגער וועל איז אומגעקומען פאריאר חנוכה אין די באנדי ביעטש - אסטראליע טעראר אטאקע

שטורמישע אפלאדיסמענטן ביים כינוס השלוחים פארן זון פונעם אומגעקומענעם שליח הרב אלי שלענגער הי"ד


נתן שלענגער, דער זון פונעם חב"ד שליח הרב אלי שלענגער הי"ד - וועלכער איז אומגעקומען אינעם בלוטיגן טעראר אטאקע פארגאנגענעם חנוכה ביים באנדיי ביטש אין אויסטראליע - האט זונטאג אויפגעשטעלט דעם גאנצן זאל אויף די פיס מיט שטורמישע אפלאדיסמענטן בעת זיין אויפטריט ביים יערליכן חב"ד 'כינוס השלוחים העולמי'.


בעפאר נתן איז ארויפגעקומען אויפן סטעידזש, האבן די טויזנטער אנוועזנדע מיטגעהאלטן א רירנדע ווידעא וואס איז רעקארדירט געווארן אין סקאטסדעיל, אריזאנע, וואו ער לערנט יעצט אין ישיבה. די ווידעא האט מיטגעפאלגט זיין טעגליכע סדר היום, וואס איז אינספירירט פון די הויכע ווערטן און הנהגות וואס זיין טאטע האט אריינגעבאקן אין אים.


"די גרעסטע זאך וואס איך האב זיך אויסגעלערנט פון מיין טאטע איז, וויפיל שמחה עס ליגט אין זיין דעם רבי'נס א שליח," האט נתן געזאגט אינעם ווידעא.


ווען ער איז אריינגעקומען אינעם ריזיגן זאל, האט זיך דער גאנצער עולם אויפגעשטעלט אויף די פיס און אים אויפגענומען מיט לאנגע, שטורמישע אפלאדיסמענטן. אין זיין דרשה האט נתן געטיילט זכרונות פון ווען ער פלעגט מיטגיין מיט זיין טאטן באזוכן אידן אין זייערע היימען, און ער האט דערמאנט א גאר באדייטפאלע זאך וואס זיין טאטע האט אמאל געזאגט אויף אים: "ער איז נישט סתם א זון פון א שליח; ער איז אליינס א שליח."


צוזאמען מיט נתן אויפן סטעידזש איז אויך ארויפגעקומען זיין זיידע, הרב אולמאן, וועלכער האט אים ארומגענומען מיט גרויס ליבשאפט און האט קורצליך אויסגעדריקט זיין שטאלץ אין זיין אייניקל'ס ווייטערדיגע איבערגעגעבנקייט צו פאָרזעצן זיין טאטנס הייליגע מיסיע.