גרויס זארג האט זיך אראפ געלאזט היינט זונטאג אינדערפרי אויף טויזנטער חסידי בעלזא, ווען דער רבי שליט"א איז פלוצלינג אפגעפירט געווארן צו די 'הדסה עין כרם' שפיטאל, ממש קורץ בעפאר אמירת סליחות ראשונות.

דער רבי האט געליטן פון שטארקע אטעם פראבלעמען. דאקטוירים האבן דורכגעפירט א רייע אונטערזיכונגען אויפן רבי'ן.

צענדליגע טויזנטער חסידים אינעם בית המדרש הגדול האבן געווארט אין אנגעצויגנקייט פאר קרוב צו פינף שעה אן קיין קלארע אינפארמאציע איבערן מצב.

נאכן לאנג ווארטן האט דעם רבי'נס זון, הרה"צ רבי אהרן מרדכי רוקח שליט''א, צוגעטרעטן צום עמוד צו זאגן סליחות אין א גאר שפעטע שעה.

די אפיציעלע מעלדונג פארן ציבור איז איבערגעגעבן געווארן גלייך נאך סליחות. דער טויזענטער חסידים האבן געזאגט תהלים ברוב עם, און כלל ישראל ווערט גערופן איינצורייסן פאר:

רבי ישכר דוב בן מרים בתוך שאר חולי ישראל.

דאס קומט עטליכע טעג נאכן אויפשטעלן א נייע הויכע בימה אינעם היכל כדי צו פארמיידן דאס שטיפניש ארום דעם רבי'ן די קומענדיגע הייליגע טעג.

די אנטוויקלונג קומט בלויז א וואך נאכדעם וואס דער רבי איז ארויסגעקומען צום געהויבענעם סליחות מעמד צוזאמען מיט טויזנטער יוגנטליכע פון ארגון 'צהר'.