ביים בליץ באזוך פון כ"ק אדמו"ר מסאטמאר שליט״א נעכטן אין מיאמי, ביי הרבני הנכבד והמפואר מזקני ישישה הקהלה הטפסר המרומם הרה״ח מוה״ר ישראל גאלדבערגער הי״ו לרפו״ש, האט כ"ק אדמו"ר מסאטמאר  שליט״א דערנאך אפגעשטאט א באזוך ביים שר הצדקות הנגיד הנכבד והמרומם הרה״ח מוה״ר מרדכי צבי קאהן הי״ו ראה״ק דקהלתינו הק׳ במאנטריאל, אין זיין שטוב אין מיאמי, אין באגלייטונג פון אבד״ק סיגוט שליט״א והמשמשים בקודש.

שפעט נאכמיטאג האט די סאטמארער רבי שליט״א געדאווענט מנחה אינעם דארטיגן ביהמ״ד, וואו עס איז זיך צוזאמגעקומען א גרויסער ציבור שלום נעמען, נאך מנחה איז די רבי ארויף אין שטוב פון מוה״ר מרדכי הי״ו, און געמאכט א מסיבת לחיים ווען ר׳ מרדכי הי״ו האט איבעראשט דעם רבין מיט נדבת לבו פון $250,000 פארן פלטרין של מלך בית מדרשו של רבי.

צום ענדע האט מען יעדן ארויסגעשיקט פון שטוב, און ר׳ מרדכי הי״ו איז פארבליבן אליין מיטן רבין שליט״א פאר לענגערע מינוטין.

הופעת צדיק לעיר עושה רושם