כ"ק אדמו"ר מוויזניץ שליט"א וועט אפרייזן אויף קורצע נסיעה קיין לאס אנדזשעלעס לצרכי רפואה:
כ"ק אדמו"ר מוויזניץ שליט"א וועט אפרייזן אויף קורצע נסיעה קיין לאס אנדזשעלעס לצרכי רפואה:
מטעם בית מרן אדמו"ר מוויזניץ שליט"א איז געמאלדן געווארן אז דער רבי שליט"א וועט קומענדיגע וואך אונטערנעמען א קורצע נסיעה קיין לאס אנדזשעלעס לצרכי רפואה אויף א סעריע אונטערזיכונגען צו די בעפארשטייענדע באהאנדלונגען וואס דער רבי איז ערווארטעט דורכצוגיין אין די נאנטע חדשים.
וואו באריכטעט איז דער וויזניצער רבי ליידער באטראפן געווארן מיט די ביטערע מחלה ה"י עטליכע חדשים צוריק, אדאנק תפילות ישראל גייען דערווייל זאכן ווי געפלאנט, און אצינד גרייט זיך דער רבי אונטערצונעמען א פרישע סעריע באהאנדלונגען.
אויפן ראט פון די גרויסע פראפעסארן און דאקטוירים צווישן זיי כ"ק אדמו"ר מוויזניץ ירושלים שליט"א וואס איז כידוע שטארק אריינגעטוהן אין די רפואה וועלט און באגלייט דעם רבינס מצב די לעצטערע חדשים, איז באשלאסן געווארן דורכצופירן די באהאנדלונגען אין אמעריקא וואו דער רבי וועט זיך בעסער קענען היילן ביי די ארטיגע שפיטעלער וואס קענען זיך אפגעבן מיט זיין מצב לויט די היינטיגע פארגעשריטענע באהאנדלונגען בעולם הרפואה.
די יעצטיגע נסיעה קיין לאס אנדזשעלעס איז געווידמענט בלויז אויף טעסטס אין בעפארברייטונג צום מעדעצינישע פראצעדור וואס איז באשטימט געווארן אויף קומענדיגן חודש אדר, צו וואס דער רבי וועט ווידער ארויספארן קיין אמעריקא און דארט פארוויילן א לענגערע תקופה. דער רבי וועט פארלאזן ארץ ישראל קומענדיגן זונטאג וארא און וועט זיין צוריק די נאכפאלגענדע וואך פ' בא לקראת די חתונה פון א אייניקל, הכלה בת בנו הגה"צ רבי יעקב מרדכי האגער אבד"ק וויזניץ אלעד וואס קומט פאר זונטאג בשלח ז' שבט.
כלל ישראל איז מעתיר בתפלה ותחנונים פארן רבינס געזונט, און ספעציעל איז מען מעורר רחמי שמים צווישן חסידי וויזניץ אומעטום, וועלכע זענען אומאויפהערליך מתפלל און מקבל קבלת טובות לרפואתו השלימה פונעם רבי'ן שליט"א, מרן ישראל בן לאה אסתר, והן קל כביר לא ימאס את תפילת הרבים..
קרעדיט: אידישע נייעס
גאלערי