א בליק אויף די פיבערהאפטיגע מלכת הבניה אויפן גינגאנטישער בניון הבית מדרש און ת"ת אין קראסנה קעמפ
גאלערי
בס"ד
די ארבעט צו פארענדיגן דעם בנין איז אין פולן שוואנג; צענדליגער עושי מלאכה געפינען זיך אין קעמפ, און מען פארענדיגט די עלעקטריק, אריינגערעכנט ציען פרישע עלעקטריק אונטער די ערד פאר אזא ריזן בנין און די אריינגענג צום בנין, פארענדיגן דעם דאך
אזוי אויך ווערט פארענדיגט די אפלויף סיסטעם פארן רעגן, וויבאלד דער בנין געפינט זיך אונטן פון א בארג, מען ענדיגט די זייטיגע טראסעס, די פלאץ פאר די מיסט און דעליוועריס, מען אינסולירט דעם גאנצן בנין און מען גרייט אן צו אריינלייגן די מאסיווע עירקאנדישאן סיסטעם
דער ועד קרן הבנין זעט איין זאך פאר די אויגן: דער גאנצער בנין זאל זיין פולקאם פארענדיגט כליל בהדו אויף זומער תשפ"ז!
דאס רעכנט אריין ביידע שטאקן, דעם בנין הכיתות "אגף הערשקא", בית המדרש “בית בנציון” און דעם נייעם ריזן קאך "רבי יוסל'ס קאך" פאר די קרוב צו 1,500 תלמידי המחנה
דער בנין, וועלכער איז שוין איינגעזאפט מיט תורה ויראת שמים נאכדעם וואס די לעכטיגע תלמידי המחנה האבן זיך באניצט דערמיט במשך דעם פארלאפענעם זומער, פארשפרעכט צו זיין א "מקום הרחבת הדעת" אין קעמפ, וואו עס וועט זיין צוגעשטעלט אלעס אונטער איין דאך: פון א בית המדרש ביז א חדר האוכל, מיט כיתות, חדרי עזרה, אפיסעס, א ריזן קאך און פיל מער.