די ווייסע הויז האט געשיקט אן אפיציעלע איינלאדענונג פאר א רייע פראמינענטע אדמו"רים ורבנים זיך צו באטייליגן ביי א ספעציעלן זיצונג מיטן פרעזידענט דאנאלד טראמפ יר"ה, אן אנטוויקלונג וואס פירט יעצט צו באראטונגען אין די חסידישע הויפן ארום די פערזענליכע אנוועזנהייט פון די גדולי ישראל.

סקווירא: לויט די יעצטיגע פלענער וועט דער רבי זעלבסט נישט פארן, נאר ארויסשיקן בנו הגדול הרה"צ ר' אהרן מענדל אלס זיין פארטרעטער.

• סאטמאר (מהר"יי) און באבוב: עס ווערט אצינד געפירט ערנסטע שמועסן אין ביידע הויפן איבער שיקן א זון אלס דער אפיציעלער פארטרעטער אנשטאט די אדמו"רים זעלבסט.
• סאטמאר (מהר"א): דער רבי האט בארירט דעם קאנפליקט פון אפפארן צו אזא סאמיט אין דעם געהויבענעם חודש אלול בעת דעם שולחן הטהור פרייטאג צונאכטס. אונטער די קוליסן ארבעטן אבער די גבאים אויסצוארבעטן א פריוואטע אודיענץ צווישן דעם רבי'ן און דעם פרעזידענט, א שריט וואס זאל קענען ערמעגליכן דעם רבי'נס פערזענליכע באטייליגונג ביים גרויסן זיצונג.
• וויזשניץ מאנסי: וויבאלד דער רבי קערט זיך ערשט אום מיטוואך ביינאכט צוריק פון זיין איצטיגע נסיעה קיין מירון, איז דערווייל נאך קיין ענדגילטיגע באשלוס נישט געפאלן איבער זיין מעגליכע באטייליגונג.

האלט ווייטער מיט דא אויף 'א בליק' פאר נאך עקסקלוסיווע דעטאלן און אנטוויקלונגען.