Loading
🌴 בצל הקודש סאטמאר 🌴 - רבינו שליט"א ביים מסיבת לחיים היינט נאך תפילת שחרית בהיכל המתיבתא סניף דברי יואל לרגל די שמחת קישור החיתון פון נכדו החתן פרע"ח הרב ישכר בער טייטלבו..   |  🌴 בצל הקודש סאטמאר 🌴 - =זונטאג ויצא=   |  🌴 בצל הקודש סאטמאר 🌴 - דב''ק ביים מסיבת לחיים היינט נאך תפילת שחרית בהיכל המתיבתא סניף דברי יואל לרגל די שמחת קישור החיתון פון נכד רבינו החתן פרע"ח הרב ישכר בער טייטלבוים..   |  🌴 בצל הקודש סאטמאר 🌴 - תהילים שיעור פון היינט מאנטאג ויצא אין ישיבה סניף קדושת יואל אויף קאפיטל ל"ד פסוק ה'.   |   🌴 בצל הקודש סאטמאר 🌴 - רבינו שליט"א ביים מסיבת לחיים היינט נאך תפילת שחרית בהיכל המתיבתא סניף דברי יואל לרגל די שמחת קישור החיתון פון נכדו החתן פרע"ח הרב ישכר בער טייטלבו..   |  🌴 בצל הקודש סאטמאר 🌴 - =זונטאג ויצא=   |  🌴 בצל הקודש סאטמאר 🌴 - דב''ק ביים מסיבת לחיים היינט נאך תפילת שחרית בהיכל המתיבתא סניף דברי יואל לרגל די שמחת קישור החיתון פון נכד רבינו החתן פרע"ח הרב ישכר בער טייטלבוים..   |  🌴 בצל הקודש סאטמאר 🌴 - תהילים שיעור פון היינט מאנטאג ויצא אין ישיבה סניף קדושת יואל אויף קאפיטל ל"ד פסוק ה'.   |  

גרויסאַרטיגע אסיפת גדולי הרבנים לרגל התייסדות פונעם פרישן "סטרייוו" לאָקאַל אין ברוקלין "דריטע לאָקאַל" פון סטרייוו נאָך קרית יואל און מאָנסי

ו כסלו תשפ"ז

0 273
Main image for גרויסאַרטיגע אסיפת גדולי הרבנים לרגל התייסדות פונעם פרישן "סטרייוו" לאָקאַל אין ברוקלין  "דריטע לאָקאַל" פון סטרייוו נאָך קרית יואל און מאָנסי

 

גרויסאַרטיגע אסיפת גדולי הרבנים לרגל התייסדות פונעם פרישן "סטרייוו" לאָקאַל אין ברוקלין  "דריטע לאָקאַל" פון סטרייוו נאָך קרית יואל און מאָנסי

רבנים ודיינים פון אַלע קהלות פאראייניגט ביי היסטארישער אסיפה בבית הגה"צ דומ"ץ פאפא שליט"א - ברייטע צוזאמענארבעט צווישן די רבנים און פּראָפעסיאָנאַלע מומחים צו ברענגען די ריכטיגע הילף פאר יעדן איד.

 

נאך יארן פון אויפטוען גדולות ונצורות אינעם פעלד פון מענטל העלט, קומט אצינד די פריידיגע בשורה אַז סטרייוו עפנט אַ פרישן לאָקאַל אין ברוקלין, מיט באַזונדערע מומחים, און א נאנטן קשר מיט די רבני ודייני העיר.

 

"סטרייוו" וועלכע האט פאר לאנגע יארן אָפּערירט אַלס "רידזשענאל ביקור חולים", האט מיט דריי יאר צוריק אונטערגענומען א ברייטע פאַרגרעסערונג אונטער'ן נאמען "סטרייוו", מיט'ן ציל אויסצוברייטערן אירע פליגלען און דערגרייכן נאך טויזנטער אידישע קינדער וועלכע דארפן הילף אין דעם מענטל העלט פעלד. דורכאויס די יאר'ן האבן זיך פארמערט די צאל רופן וואס האט ארויפגעברענגט די וויכטיגקייט פון האבן באזונדערע אפיסעס פאר יעדן שטאט בעסער צו קענען זיך אפגעבן מיט די אומצאליגע אריינרופער מיט א לאקאלע אפיס ספעציעל פאר יעדן שטאט.

 

מיט ארום אנדערהאלבן יאר צוריק איז געעפנט געווארן דער מאָנסי'ער לאקאל, נאך די דירעקטע בקשה פון די רבני העיר, און אַצינד האָבן זיך געוואָנדן רבנים ודיינים פון ברוקלין אַז ס'איז הגיע הזמן צו עפענען דאָ אַ לאָקאַל צו האָבן אַ צוזאַמאַרבעט מיט'ן פולסטן פאַרשטאַנד דורך די געטרייע מומחים.

 

לרגל דעם פריידיגן תקופה פונעם עפענען דעם ברוקלין לאָקאַל, איז פאַרגאַנגענעם זונטאג אָפּגעהאַלטן געווארן א גרויסארטיגע "אסיפת הרבנים" בבית הגה"צ רבי דוד לייב פישער שליט"א, דומ"ץ פּאפּא, וואו עס האבן זיך פאַרזאַמלט רבנים, דיינים ומורי הוראות, פון אַלע גרעסערע קהלות קדושות, און עסקנים וועלכע זענען אינוואַלווד אין דעם פעלד פון מענטל העלט.

 

מ'האָט געגעבן פאַר די רבנים א נאנטן אריינבליק אין די אנטוויקלונגען אינעם פעלד, און אויסגעאַרבעט וויאזוי מ'קען נאך בעסער דערגרייכן יעדן איינציגן איד וואס דארף הילף.

 

אלס יושב ראש האט געדינט הרה"ג רבי יונתן בנימין שטערן שליט"א, ראש ישיבת שער נפתלי אין טשעסטער, וועלכער האַלט מיט די פּעולות פון סטרייוו פון דער נאנט. 

 

אויפ'ן פּלאַץ האט אויפגעטרעטן דער גרינדער און מנהל המוסד הרב אשר מענדל כהנא שליט"א, וועלכער שטייט שוין בראש פון דעם מוסד פאר 14 יאר בלב ונפש און האט איבערגעדרייט יעדע שטיינדל אין וועג אנצוקומען וואו מ'שטייט היינט. הרב אשר מענדל האט מיט הארץ ארויסגעברענגט די שווערע אחריות וואס ליגט אויף די פּלייצעס פון דער ארגאניזאציע, און די פלענער אויפ'ן טיש פאר'ן עתיד.

 

עס האט אויפגעטרעטן הרה"ג רבי זושא אויש שליט"א דומ"ץ וואָלקאַן ודיין לעניני רפואה בק"ק סאַטמאַר, וועלכער האט פאָרגעשטעלט פאר די דיינים וויאזוי מ'קען דערקענען ביי א שואל אז אונטער זיין פראגע באהאלט זיך מעגליך א שווערער מצב, וואס דארף פראפעסינאלע הילף און פאדערט א באזונדערע אויפמערקזאמקייט.

 

מיט גרויס אינטרעסע האבן די רבנים אויסגעהערט דעם באריכט פונעם בארימטן מומחה עצום מו"ה ר' מנחם ישעי' לעווי הי"ו, דירעקטער פון סטרייוו, וועלכער האט אויפגעבויט אַן אויסערגעווענליכע קענטעניש אין דער פּראָפעסיאָנאַלער וועלט פון מענטל העלט. אַרויסהייבנדיג  אז אין דעם פעלד דארף מען פארשטיין וועלכער פּראָפעסיאָנאַל איז דער פּאַסיגער פאר דעם ספּעציפישן אָנפרעגער.

 

מיט זיין ברייטן פּראָפעסיאָנאַלן וויסנשאַפט, און פאַרצווייגטע פארבינדונגען אין עולם הרפואה האט ער אַרומגענומען דעם אייגנאַרטיגן מהלך פון סטרייוו; פון דער ערשטער עוועליועישן, איבער'ן גענויען צאַמשטעל מיט'ן ריכטיגן פּראָפעסיאָנאַל, ביז'ן נאנטן באגלייטן דעם קעיס און זיכער מאכן אז מ'באקומט טאקע די פּאַסיגע הילף כל אורך הדרך.

 

ביי דער געלעגנהייט האט ער פארגעשטעלט דעם ברוקלין אסיסטענט דירעקטער מו"ה ר' משה פריעדמאן הי"ו בן הגה''צ אב''ד טעטש שליט''א, וועלכער איז שוין אין די לעצטערע צייט באקאנט געווארן מיט זיין וויסנשאַפט און פלייסיגע ארבעט לטובת אַלע וואָס ווענדן זיך צו סטרייוו, און וועט דינען אַלס פירער פון דעם פרישן לאָקאַל אין ברוקלין.

 

דערנאך האט אויפגעטרעטן הרה"ג רבי חיים אהרן אונגאר שליט"א, דומ"ץ ביהמ"ד לב אהרן דק"ק סאַטמאַר, וועלכער האט ארומגערעדט איבער די פארשידענע שאלות להלכה וואס קומען פאָר אין מענטל העלט קעיסעס, און די וויכטיגקייט אז רבנים זאלן זיין באקאנט מיט די מציאות הדברים, כדי צו קענען מכריע זיין שאלות וואס קומען אויפ'ן טיש.

 

א באַזונדערע מאָמענט איז געווען די רעדע פון דער באקאנטער וויליאמסבורגער עסקן ומומחה נפלא מו"ה אביגדור משה (אבי) מענדלאוויטש הי"ו, וועלכער האט געשילדערט דעם מצב אין די ספּעציעלע שפּיטאָל אָפּטיילונגען, וואו היימישע אידן דארפן ליידער צוקומען.

 

ער האט ארויסגעברענגט די וויכטיגקייט, און די פּעולות וואָס ווערן ב"ה געטון, צו מאכן די הילף מער צוטריטלעך און באקוועם פאר'ן היימישן ציבור, און מיט ווארעמע ווערטער ארויסגעהויבן די אומשאַצבאַרע הילף פון סטרייוו, סיי ביי שפּיטאָל-קעיסעס און סיי אינעם ריהעב פּראָצעדור.

 

די אסיפה האט איבערגעלאזט א טיפן רושם וואס עפנט אויף א פרישן עפּאָכע פון פאַרמערטע צוזאמענארבעט צווישן די רבנים, עסקנים און די מומחים פון סטרייוו, שטייענדיג ביי אַזאַ מיילשטיין ביים מייסד זיין דעם פרישן לאָקאַל אין ברוקלין.

תושבי ברוקלין נעמען אויף מיט גרויס פרייד די היסטאָרישע אַנטוויקלונגען פון א נייע געלעגנהייט אז קיין איין איד זאל נישט דארפן בלייבן אליין מיט זיין ווייטאָג. סטרייוו שטייט גרייט מיט זייערע באַרימטע מומחים אין דעם פעלד פון מענטל העלט אַרויסצונעמען יעדן וואָס דאַרף צוקומען דערצו פון דעם טונקעלן טונעל ביז צום שיינענדיגן ליכטיגקייט בסייעתא דשמיא!