8 אומגעקומען און 17 פארוואונדעט נאכדעם וואס א געביידע איז איינגעפאלן אין פלעטבוש; פייערלעשער זוכן ווייטער צווישן די ברוכווארג
גאלערי
ווידעאס
בס"ד
טראגעדיע אין פלעטבוש: אמווייניגסטנס 8 טויט און 17 פארוואונדעט נאכדעם וואס א 3-שטאקיגע געביידע איז איינגעפאלן
אמווייניגסטנס אכט מענטשן האבן טראגיש פארלוירן זייער לעבן און נאך 17 זענען פארוואונדעט געווארן נאכדעם וואס א דריי-שטאקיגע געביידע איז אינגאנצן איינגעפאלן אין פלעטבוש, ברוקלין, דעם מיטוואך נאכמיטאג, נאוועמבער 11. די שרעקליכע פאסירונג האט געפירט צו א מאסיווע עמערדזשענסי רעספאנס און א ברייטע זוך-אקציע צו טרעפן מעגליכע פרישע קרבנות צווישן די חורבות.
דער בילדינג קאלאפס האט פאסירט קורץ נאך 4:00 נאכמיטאג ביי 1321 פלעטבוש עוועניו, נעבן בעדפארד עוועניו, ווען די געביידע איז אריינגעפאלן אין א שכינות'דיגע קאנסטראקשן סייט וואו עס איז אנגעגאנגען עקסקאוועישן ארבעט.
דער קאלאפס האט אויך אנגעמאכט שווערע שאדנס פאר די שכינות'דיגע געביידע אויף 1323 פלעטבוש עוועניו, אראפרייסנדיג א דרויסנדיגע וואנט און איבערלאזנדיג עטליכע אפארטמענטס אפן און אויפגעדעקט צום גאס.
א מאסיווע צאל פון ארום 250 פייערלעשער און עמערדזשענסי מעדיקעל פערסאנעל זענען אראפגערופן געווארן צום סצענע. די FDNY קרוס האבן שווער געארבעט צווישן די אומסטאבילע ברוכווארג, ניצנדיג שמעק-הינט, דראונס, באקעטס און ספעציעלע עקוויפמענט צו טרעפן מענטשן וואס זענען מעגליך פארכאפט געווארן אונטער די ברוכווארג.
לויט די באריכטן זענען צווישן די 17 פארוואונדעטע פארהאן זיבן קינדער, און פיר פערזאנען געפינען זיך אין א קריטישן צושטאנד.
דראמאטישע בילדער פונעם סצענע צייגן ווי פייערלעשער שלעפן ארויס איבערלעבער פון די חורבות, אריינגערעכנט א פרוי אין אירע ווארטן-טעג וואס איז ברוך השם געראטעוועט געווארן און אפגעפירט געווארן אין שפיטאל פאר מעדיצינישע באהאנדלונג.
די רעטונגס קרוס האבן פארגעזעצט צו זוכן צווישן די ברוכווארג דורכאויס דאנערשטאג, פארזיכטיג אונטערזוכנדיג די לעכער אונטער די איינגעפאלענע סטרוקטור, אינמיטן גרויסע זארגן איבער פרישע איינפאלונגען.
די סיטי'ס 'דעפארטמענט אוו בילדינגס' (DOB) פארשט אויס די אורזאך פון די קאטאסטראפע. באאמטע האבן באשטעטיגט אז עקסקאוועישן ארבעט איז אנגעגאנגען ביים שכינות'דיגן קאנסטראקשן סייט, כאטש אינוועסטיגעיטארס האבן נאכנישט באשלאסן צי די ארבעט האט דירעקט בייגעשטייערט צום קאלאפס.
ארומיגע איינוואוינער זענען עוואקואירט געווארן אלס א פארהיטונגס מיטל, און עמערדזשענסי הילף איז צוגעשטעלט געווארן פאר די פאמיליעס וואס זענען געבליבן אן א דאך איבערן קאפ אינעם פלעטבוש YMCA צענטער.
די אויטאריטעטן האבן געבעטן פונעם פובליק זיך צו האלטן ווייט פון די ארומיגע גאסן בשעת די רעטונג און רעקאווערי אפעראציעס גייען אן.
טראגעדיע אין פלעטבוש: אמווייניגסטנס 8 טויט און 17 פארוואונדעט נאכדעם וואס א 3-שטאקיגע געביידע איז איינגעפאלן
אמווייניגסטנס אכט מענטשן האבן טראגיש פארלוירן זייער לעבן און נאך 17 זענען פארוואונדעט געווארן נאכדעם וואס א דריי-שטאקיגע געביידע איז אינגאנצן איינגעפאלן אין פלעטבוש, ברוקלין, דעם מיטוואך נאכמיטאג, נאוועמבער 11. די שרעקליכע פאסירונג האט געפירט צו א מאסיווע עמערדזשענסי רעספאנס און א ברייטע זוך-אקציע צו טרעפן מעגליכע פרישע קרבנות צווישן די חורבות.
דער בילדינג קאלאפס האט פאסירט קורץ נאך 4:00 נאכמיטאג ביי 1321 פלעטבוש עוועניו, נעבן בעדפארד עוועניו, ווען די געביידע איז אריינגעפאלן אין א שכינות'דיגע קאנסטראקשן סייט וואו עס איז אנגעגאנגען עקסקאוועישן ארבעט.
דער קאלאפס האט אויך אנגעמאכט שווערע שאדנס פאר די שכינות'דיגע געביידע אויף 1323 פלעטבוש עוועניו, אראפרייסנדיג א דרויסנדיגע וואנט און איבערלאזנדיג עטליכע אפארטמענטס אפן און אויפגעדעקט צום גאס.
א מאסיווע צאל פון ארום 250 פייערלעשער און עמערדזשענסי מעדיקעל פערסאנעל זענען אראפגערופן געווארן צום סצענע. די FDNY קרוס האבן שווער געארבעט צווישן די אומסטאבילע ברוכווארג, ניצנדיג שמעק-הינט, דראונס, באקעטס און ספעציעלע עקוויפמענט צו טרעפן מענטשן וואס זענען מעגליך פארכאפט געווארן אונטער די ברוכווארג.
לויט די באריכטן זענען צווישן די 17 פארוואונדעטע פארהאן זיבן קינדער, און פיר פערזאנען געפינען זיך אין א קריטישן צושטאנד.
דראמאטישע בילדער פונעם סצענע צייגן ווי פייערלעשער שלעפן ארויס איבערלעבער פון די חורבות, אריינגערעכנט א פרוי אין אירע ווארטן-טעג וואס איז ברוך השם געראטעוועט געווארן און אפגעפירט געווארן אין שפיטאל פאר מעדיצינישע באהאנדלונג.
די רעטונגס קרוס האבן פארגעזעצט צו זוכן צווישן די ברוכווארג דורכאויס דאנערשטאג, פארזיכטיג אונטערזוכנדיג די לעכער אונטער די איינגעפאלענע סטרוקטור, אינמיטן גרויסע זארגן איבער פרישע איינפאלונגען.
די סיטי'ס 'דעפארטמענט אוו בילדינגס' (DOB) פארשט אויס די אורזאך פון די קאטאסטראפע. באאמטע האבן באשטעטיגט אז עקסקאוועישן ארבעט איז אנגעגאנגען ביים שכינות'דיגן קאנסטראקשן סייט, כאטש אינוועסטיגעיטארס האבן נאכנישט באשלאסן צי די ארבעט האט דירעקט בייגעשטייערט צום קאלאפס.
ארומיגע איינוואוינער זענען עוואקואירט געווארן אלס א פארהיטונגס מיטל, און עמערדזשענסי הילף איז צוגעשטעלט געווארן פאר די פאמיליעס וואס זענען געבליבן אן א דאך איבערן קאפ אינעם פלעטבוש YMCA צענטער.
די אויטאריטעטן האבן געבעטן פונעם פובליק זיך צו האלטן ווייט פון די ארומיגע גאסן בשעת די רעטונג און רעקאווערי אפעראציעס גייען אן.