כ"ק אדמו"ר מסאטמאר שליט"א אדרעסירט די העצערייען קעגן דעם ניו יארקער מעיאר.
ניו יארק- ביים צענטראלן יארצייט סעודה ביומא דהילולא קדישא פון הרה"ק מסאטמאר זי"ע , האט דער סאטמארער רבי שליט"א משמיע געווען א שארפע און אומגעווענדליכע דרשה וואס האט אויפגעשאקלט דאס יהדות החרדית
. דער רבי שליט"א האט שארף אראפגעריסן די אטאקעס און העצערייען וואס ווערן געפירט דורך געוויסע יחידים אין די היימישע גאס קעגן דעם ניו יארקער מעאר זוהראן מאמדאני
דער רבי שליט"א האט ארויסגעברענגט דעם מסורה'דיגן דרך התורה , זאגנדיג אז די פראוואקאציעס און דאס באטיטלען דעם מעאר אלס אן "אנטעסעמיט" זענען קעגן די יסודות פון אידישקייט און שטעלן אין געפאר דאס לעבן פון ערליכע אידן אין גלות
"דרשו את שלום העיר" — דער דרך התורה אין גלות
אין זיין צענטראלן מוסר-ארטיקל האט דער רבי שליט"א מעמיד געווען די יסודות פון אידישן קיום צוזאמען מיט די מלכות. דער רבי האט דערמאנט דעם פסוק פון נביא ירמיהו: "ודרשו את שלום העיר אשר הגליתי אתכם שמה והתפללו בעדה אל ה
אן ערליכער איד דארף אקצעפטירן דעם גזירת הגלות
אפגעשיידטקייט פון העצעריי: מען דארף זיך גאר שטארק דערווייטערן פון פאליטישע אטאקעס און עפנטליכע קריגערייען קעגן די רעגירונג און אירע פירער
דער רבי האט שטארק אנגעווארנט צו אפהיטן די שטובער פון צייטונגען און מאגאזינען ממקומות זרים וואס פארקויפן די ציוניסטישע אידעאלאגיע, וועלכע זוכט צו ברענגען דעם 'התגרות באומות' אויך קיין אמעריקע.
לעצטנס זענען מיר עדות צו א שרעקליכע פראוואקאציע קעגן די אומות העולם דורך היימישע אידן — דורך די העצערייען קעגן דעם מעאר פון ניו יארק סיטי," האט דער רבי ארויסגעברענגט מיט א פייערדיגן קול. “דאס אנגעבן דעם מעאר און אים באטיטלען אלס אנטעסעמיט איז אן אמת'ע פראוואקאציע קעגן די אומות. נישט גענוג וואס מען טוט אין ארץ ישראל, נאר מען ברענגט דאס אויך אהער קיין אמעריקע
די דברות קודש האבן איבערגעלאזט א טיפן רושם אויפ'ן גאנצן יהדות החרדית, אריינברענגענדיג א קלארן בילד פון דעם אמת'ן אידישן בליק אויף פאליטיק אין גלות
גאלערי
ווידעאס