שרעקליכע טראַגעדיע בארץ הקודש
בס"ד
שמע ישראל ה' אלוקינו!!! - האָבן די יתומים געשריגן ביים טאטנס בעט. די מאַשינען אינעם צימער האָבן געפיפן מיט הויכע סירענעס, די זייגערלעך זענען געטאַנצן און די הימלען זענען פאַרוואָלקנט געוואָרן ווען די קינדער שרייען הויעך ה' אחד!!!
ברוך דיין האמת.
ה' נתן וה' לקח.
יהי שם ה' - - - מבורך מעתה ועד עולם.
אויפאַמאָל זענען די קינדער פון הרה"ח רבי אהרן יהודה קליין זצ"ל געבליבן "יתומים" פון זייער טאַטע וואָס איז אַרויף לעולם שכולו טוב.
רבי אהרן יהודה, מחשובי חסידי באָבוב, וואָס איז געווען דער משב"ק און יד ימינו פון כ"ק מרן אדמו"ר מ'זוטשקא שליט"א איז געבוירן געוואָרן צו להבחל"ח זיין פאָטער הרה"ח ר' צבי דוב קליין שליט"א פון ירושלים עיה"ק, און בשעה טובה געוואָרן אַן איידעם ביי הרה"ח ר' אברהם משה הכהן יעקובס שליט"א מחשובי חסידי טשערנאָביל.
דורכאויס פינף און צוואָנציג יאָר האָט רבי אהרן יהודה מרביץ תורה געווען פאַר צאן קדשים אין "באָבובער תלמוד תורה אין בני ברק", וואו אַלע תלמידים געדענקען נאָך זיין ליכטיגע שמייכל און האַרציגע צוגאַנג צו יעדע קינד.
אין די זעלבע צייט איז ער אויך געווען אַ מרביץ תורה אין די באָבובער ישיבה "עץ חיים" אין בני ברק, וואו ער איז נאָנט געוואָרן מיט דער משפּיע הישיבה כ"ק מרן אדמו"ר מזוטשקא שליט"א. און מיט דער צייט געוואָרן דעם רבי'ן שליט"א'ס פּערזענליכער משב"ק און רעכטער האַנט וואָס פירט אויס געטריי אַלע שליחות און פאַרשידענע תפקידים מיט אַ געוואַלדיגע געטריישאַפט וואָס ווערט געדענקט ביי די חסידים מיט בענקעניש.
אין די פאַרלאָפענע יאָרן האָט ער אין צוגאָב צו זיין ראָלע אַלס משב"ק אין די חסידות, אויך אָנגענומען דעם תפקיד אַלס משגיח אין ישיבת "טל תורה", וואו ער איז ווייטער משפּיע תורה וחסידות מיט אַ געוואַלדיגע צוגעלאָזנקייט צו יעדע תלמיד. ווי אַ פאָטער צו זיינע קינדער.
די וועלט האָט אַזוי הנאה געהאַט פון זיין געוואַלדיגע אַרבעט, עולם החסידות האָט געבליט, עולם התורה האָט געקוועלט, רבי אהרן יהודה איז געווען אַ צוזאַמשטעל פון אַזויפיל געלונגענע ראָלעס וואָס ער האָט פאַרקערפּערט אין זיך. עס האָט זיך געהאָפט אַז רבי אהרן יהודה וועט ווייטער קענען אויפטאָן למען הכלל והפּרט צו לאַנגע געזונטע יאָרן.
אָבער דאָס ליכטל האָט זיך צעביסלעך אָנגעהויבן פאַרלעשן... דרוקט דא
אין די לעצטע צוויי יאָר איז ער ליידער קראַנק געוואָרן מיט די ביטערע מחלה רח"ל וואס ער האָט אָנגענומען מיט אמונה און בטחון, טראָץ וואָס עס האָט אים געריסן די ביטערע יסורים.
עס איז געווען צום באַוואונדערן רבי אהרן יהודה'ס שטאַרקייט ווי ער שמייכלט צו זיינע קינדער פון שפּיטאָל בעט, ער האָט געלעבט מיט אמונה ער האָט מקבל געווען אויף זיך דעם גזר דין מיט אַ פעלזן פעסטע אמונה טהורה.
שטאַפּלווייז האָבן די דאָקטוירים אָנגעהויבן פאָרזאָגן די ביטערע מציאות...
אַלעס האָט איינגעריסן פאַר רבי אהרן יהודה, מען האָט אַרויסגעקוקט אַז ער זאָל עס איבערלעבן און צוריק קומען צו די כוחות, אָבער פון הימל איז נגזר געוואָרן די גזירה.
איין אינדערפרי איז דאָס געווען... - רבי אהרן יהודה איז געליגן אויפ'ן שפּיטאָל בעט באַלאַגערט מיט זיינע קינדער און משפּחה מיטגלידער און אויך כ"ק מרן אדמו"ר מזוטשקא שליט"א, און אונטערן שאָטן פון די פּסוקי יחוד וואָס איז געזאָגט געוואָרן מיט אַ פעלזן פעסטע אמונה דורך אַלע אָנוועזנדע האָט רבי אהרן יהודה פאַרמאַכט זיינע אויגן ביז תחיית המתים... דרוקט דא
ניין קינדער זענען געבליבן אין שטוב יתומים!!! - דער קלענסטער פון זיי בלויז צוויי יאָר אַלט! - זיי קוקן אַרויף צום הימל און פרעגן "טאַטי טאַטי אויף וועמען האָסטו אונז קליינע שעפעלעך איבערגעלאָזט?"...
אויף די פּסק פון די רבני הקהילה איז אַוועקגעשטעלט געוואָרן דער "קרן היתומים משפּחת קליין" אויסצוהאַלטן די אלמנה מיט די ניין יתומים'לעך, וואָס וואַרטן אויף אונזער הילף!
דער רבש"ע זאָגט אונז צו אם אתה משמח את שלי אני משמח את שלך - ווער עס גיבט געלט און דערפרייט מיינע קינדערלעך דאָס זענען די יתומים און אלמנות, וועל איך אים צוריק באַצאָלן און דערפרייען!!!
יעצט איז געקומען די צייט פאַר אונז צו דערהערן דעם וויי געשריי פון די אלמנה און יתומים וואָס וואַרטן אויף אונזער הילף, לאָמיר זיי נישט לאָזן וויינען!!!
גאלערי