כבוד המת: ארגענטינע הויפט רב געווינט קאמף אפצוהאלטן אן אוטאפסיע אויף א אידישע נפטרת
גאלערי
בוענאס איירעס. – דער הויפט רב פון ארגענטינע, הרב אליהו חמרא, האט מיט סוקסעס אינטערווענירט צו פארהיטן אן אוטאפסיע אויף א אידישע פרוי וואס איז טראגיש אומגעקומען נאכדעם וואס א דאך פון א געביידע איז איינגעפאלן אין בוענאס איירעס.
די אומגעקומענע, די 65 יעריגע פרוי נעלידא גראסיעלא האפער-גידאן ע"ה, האט פארלוירן איר לעבן ווען א טייל פון א געביידע איז פלוצלינג איינגעפאלן אין די פלארעס געגנט. איר מאן איז פארוואונדעט געווארן אינעם אינצידענט און איז אריינגעפירט געווארן אין שפיטאל פאר מעדיצינישע באהאנדלונגען.
נאך שווערע און אינטענסיווע באמיאונגען דורך הרב חמרא אינאיינעם מיט עסקנים און פארשטייער פון די לאקאלע קהילה, האבן די אויטאריטעטן איינגעשטימט צו נוצן אן אנדערע מיטל צו פעסטשטעלן די אורזאך פון איר טויט. אנשטאט א טראדיציאנאלע אוטאפסיע רח"ל, האבן זיי דורכגעפירט א סי-טי (CT) סקען און אן עם-אר-איי (MRI).
דער באשלוס האט ערמעגליכט אז די נפטרת זאל באפרייט ווערן לקבורה וואס אמשנעלסטן, אין פולן איינקלאנג מיט די אידישע הלכה.