וויליאמסבורג - מיט שווערע הערצער מעלדן מיר די ביטערע בשורה איבער א שוידערליכע עקסידענט וואס האט היינט אינדערפרי פאסירט אין שטאט, און רעזולטאט איז א ניין יעריג יונגל, הילד יואל ע"ה זוהן פון יבלחט"א ר׳ נפתלי הערצקא יאקאבאוויטש הי"ו, ליידער טראגיש אומגעקומען נאכן ווערן אראפגעקלאפט דורך א באס.

די עקסידענט האט פאסירט 8:30 אינדערפרי ווען דאס קינד איז געווען אויפן וועג צו חדר און אריבערגעגאנגען די גאס ביים פארנומענע אינטערסעקשאן פארנט פונעם סאטמארער ביהמ"ד אויף ליע גארדענס, וואו עס קומט זיך צוזאם לי עוועניו, לארימער סטריט און וואלעבאוט סטריט, ווען א באס וואס איז אריבערגעפארן האט אים נישט באמערקט און אראפגעקלאפט, און ער איז ל"ע אומגעקומען אויפן ארט צו די אומגעהויערע ווייטאג פון זיין פאמיליע און באקאנטע.

מתעסקים און חסד של אמת זענען באלד אנגעקומען צום סצענע צו פארזיכערן כבוד המת.

קרעדיט: זעמל