'הצלה' פון ראקלאנד קאונטי האט היינט באקומען נאך צוויי פרישע אמבולאנסן.

דאס איז א טייל פון זייער שטענדיגע ארבעט צו האלטן זייער פלאטע מאדערן, שטארק און גרייט צו ראטעווען לעבנס.

הצלה פלאנט אי"ה אז ביידע אמבולאנסן זאלן שוין זיין אינגאנצן גרייט אויפצופיקן פאציענטן נאך פאר ראש השנה.

פאר זיי גייען ארויס אויפן גאס, גייט מען זיי שיין איבערקלעבן מיט די באקאנטע "הצלה" לאגאס, און מען וועט מאכן זיכער אז אלע נויטיגע מעדיצינישע אפאראטן זענען דערין, אז זיי זאלן זיין גרייט פאר יעדן סארט עמערדזשענסי.

מיט בערך 20,000 קאלס א יאר אין ראקלאנד קאונטי און די גאנצע אומגעגנט, מוז הצלה האבן פארלעסליכע קארס.

די אמבולאנסן זענען אין באנוץ 24 שעה א טאג, צו קענען ריספאנדן קריטישע רופן און פירן מענטשן אין שפיטאל.

הצלה טראכט שטענדיג פאראויס צו זען וואס דער ציבור דארף.

זיי האלטן כסדר אן אויג אויף זייערע קארס און טוישן אויף די אלטע מיט נייערע מאדעלן.

דאס מאכט זיכער אז יעדע געגנט האט גענוג קארס, און אז יעדער איינער באקומט די בעסטע הילף וואס שייך.

דאס אנקומען פון די צוויי נייע קארס איז נאך א וויכטיגע שריט פאר הצלה צו קענען ווייטער אנגיין מיט זייער הייליגע ארבעט און בלייבן שטארק גרייט פאר די יעצטיגע און קומענדיגע יארן.

צום סוף דרוקט הצלה אויס א גרויסן יישר כח פארן טאון אוו רעמעפאו סופערווייזער, מייקל ספעכט, און פאר די גאנצע טאון באורד, פארן שטענדיג שטיין צו דער האנט.

זייער הילף האט גאר שטארק צוגעהאלפן צו קענען אפקויפן די צוויי נייע אמבולאנסן.