*חברי הנהלת המוסד צוריקגעקערט פון פראדוקטיווע באזוך אין ארה"ק*  פארלאפענע וואך זענען חברי הנהלת המוסד מו"ה *אלי' ליפא קאהן* הי"ו, הרב *זלמן לייב הורוויץ* הי"ו, מו"ה *יואל בערנאטה* הי"ו, ארויסגעפארן פאר א קורצע באזוך אין ארה"ק צו זיך אומקוקן אויף די הילף אפעראציעס אינערהאלב די ירושלים אפטיילונג, צו הייבן די סטאנדארטן און צו פארשטערקערן די פארבינדונגען מיט לאקאלע שפיטעלער און עקספערטן. ווי אויך האט זיך באטייליגט מו"ה *זושא לעווי* הי"ו, גלאבאל דירעקטאר פון רופא חולים מעדיקל אפטיילונג.  די משלחת האט אפגעהאלטן גרויסע קאנפערענצן מיט די דאקטוירים און עקספערטן פון די גרעסטע שפיטעלער אין ארץ ישראל, ביים *'שערי צדק'* שפיטאל, דערנאך ביים *'איכילוב'* שפיטאל און באזונדער ביים *'שיבא תל השומר'* שפיטאל. דאס איז אין צוגאב צו די 'הדסה קאנפערענץ' וואס איז פארגעקומען פארלאפענעם ווינטער תשפ"ו.  במשך די קורצע צייט וואס די חברי הנהלה זענען געווען אין ירושלים, האבן זיי אויך אריינגעכאפט צו באזוכן ביי עטליכע גדולי ישראל בארה"ק, וואס זענען פערזענליך באקאנט מיט די געוואלדיגע פעולות פון 'רופא חולים ירושלים', ה"ה הגה"צ ר' *אלימלך בידערמאן* שליט"א, *כ"ק אדמו"ר מצאנז שליט"א* און הרה"צ ר' *יודל דייטש* שליט"א, וועלכע האבן קענטיג גאר ערנסט גענומען דעם באריכט פונעם מוסד און ווארעם אנגעוואונטשן פאר די חברי ההנהלה.  א ספעציעלער פרישטאג איז אפגעראכטן געווארן מיט די *איבער 20 געטרייע מעדיקל שטאב פון די אפיס פון 'רופא חולים ירושלים'*, וואס געבן זיך אפ מדי יום ביומו צו העלפן די חולי ישראל בארה"ק. במשך עטליכע שעה'ן איז די הנהלה געזיצן צוזאמען מיט די שטאב און אויסגעשמועסט פארשידענע נושאים ווי אזוי צו פארברייטערן די סערוויסעס פאר די חולי ישראל.  די חברי ההנהלה פון ניו יארק האבן אויך אויסגעניצט די געלעגענהייט זיך אומצוקוקן אויף *די בוי ארבעט פון די נייע רפואה צענטער לטובת רופא חולים ירושלים*, כדי צו פארזיכערן אז עס וועט טאקע בס"ד ארויסקומען די ערווארטעטע ציל, וואס מ'האפט בס"ד צו פראווען א חנוכת הבית בקרוב.  וארפא את ארצ"ם.