הגאון ר' יצחק יוסף שליט"א באזוכט דעם ציון פון אביו מרן הגר"ע יוסף זצ"ל ערב דעם 13טן יארצייט
גאלערי
הגאון רבי יצחק יוסף שליט״א, איז ארויפגעגאנגען צו דעם ציון פון זיין פאטער, מרן הגאון רבי עובדיה יוסף זצ״ל, אינעם סנהדריה בית החיים אין ירושלים, אין בעפארברייטונג צום 13טן יארצייט.
ביים ציון האט הגאון רבי יצחק יוסף שליט״א געזאגט תהילים און מתפלל געווען פאר די טויזנטער נעמען וואס זענען איבערגעגעבן געווארן צו ווערן דערמאנט ביים ציון.
לויט באריכטן איז דער באזוך פאראויסגערוקט געווארן נאך זיכערהייט רעקאמענדאציעס, צוליב זארגן איבער די גרויסע מאסן וואס ווערן ערווארטעט ביים ציון אין לויף פונעם יארצייט.
אין צוגרייטונג צום גרויסן ציבור האבן די אויטאריטעטן געמאלדן אז מען וועט צייטוויליג פארשפארן פאשידענע וועגן און טוישן באס רוט'ס אין דער געגנט פונעם בית החיים.
מרן הגאון רבי עובדיה יוסף זצ״ל איז נסתלק געווארן אום ג׳ חשון תשע״ד, אין אקטאבער 2013.
