נייער ספר "מדרש אברהם" מיט כתב יד קדשו פון שר התורה הגר"ח קניבסקי זצ"ל ערשינען לאור עולם

א פרישע ספר וואס אנטהאלט חידושי תורה און פירושים פון כתב יד קדשו פונעם שר התורה הגאון ר' חיים קניבסקי זצ"ל איז ארויסגעקומען לאור עולם, וואס ברענגט ארויס נאך א טייל פון זיין ריזיגע תורה אוצר פארן ברייטן פובליקום.

דער נייער ספר, וועלכע טראגט דעם נאמען "מדרש אברהם עם ביאור אוהל אברהם", אנטהאלט אין זיך מדרשי חז"ל ארום די לעבנס-געשיכטע פון אברהם אבינו, אינאיינעם מיט א הערליכע ביאור וואס איז געשריבן געווארן דורך ר' חיים זצ"ל אליינס.

א ספעציעלע מסיבת לחיים אפצוצייכענען דעם ערשיינונג פונעם ספר איז פארגעקומען דינסטאג נאוועמבער 3, אין שטוב פון בנו חביבו הגאון ר' אברהם ישעיהו קניבסקי שליט"א, מיט די באטייליגונג פון רבנים און די עסקנים וועלכע זענען געווען פארמישט אין די ארבעט פון ארויסגעבן דעם ספר.

ביי די מסיבה האט ר' אברהם ישעיהו ארויסגעברענגט זיין גרויסע שמחה איבער די הוצאת הספר, און האט זיך אויסגעדרוקט אז זיין גרויסער טאטע פרייט זיך יעצט אין גן עדן זעענדיג ווי נאך א טייל פון זיינע חידושי תורה ווערן פארשפרייט פארן ציבור.

דאס ארויסקומען פונעם ספר איז א טייל פון די ווייטערדיגע באמיאונגען צו פאראייביגן און פארשפרייטן די פילע תורה שריפטן פון ר' חיים זצ"ל נאך זיין פטירה. פאר די פילע תלמידים און מעריצים פון שר התורה איבער די גארער וועלט, גיט דער נייער ספר נאך א געלעגנהייט צו לערנען פון זיינע הייליגע רייד און ווייטער נהנה זיין פון זיין רייכע תורה ירושה.