וְחַג שָׁבֻעֹת תַּעֲשֶׂה לְךָ בִּכּוּרֵי קְצִיר חִטִּים: רבני ק"ק סאטמאר זענען אראפגעפארן צום צווייטן ווייץ שניט פארן בית האופה דקהלתינו אינעם ווייץ פעלד אין קאליפארניע
גאלערי
וְחַג שָׁבֻעֹת תַּעֲשֶׂה לְךָ בִּכּוּרֵי קְצִיר חִטִּים: רבני ק"ק סאטמאר זענען אראפגעפארן צום צווייטן ווייץ שניט פארן בית האופה דקהלתינו אינעם ווייץ פעלד אין קאליפארניע
נעכטן זונטאג תיכף נאכן דערהויבענעם יו"ט שבועות, איז אראפגעפארן קיין וואדלענד קאליפארניע - במקום שאין גשמים מצויין - בשלוחת הקודש פון כ"ק רבינו הגה"ק מסאטמאר שליט"א בנו בכורו הגה"צ אבד"ק סאטמאר וומסב"ג שליט"א מיטצוהאלטן פון דער נאנט דעם יעצטיגן ווייץ שניט אינאיינעם מיט די דיינים המכשירים הרה"ג ר' הערש לייב בערנשטיין שליט"א מו"ץ סאטמאר ויו"ר וועד הכשרות ק"י , און הרה"ג ר' יואל יצחק שטערן שליט"א מו"ץ סאטמאר ודומ"ץ ביהמ"ד דינוב אין קרית יואל, צום צווייטן ווייץ שניט, חטים מהודרים בלי שום פקפוק וחששות פון מצומחות אדער מבוקעות. לקראת חג הפסח שנת תשפ"ה הבעל"ט.
מיט זיי זענען מיטגעפארן די ממונים ר' יואל שלמה זאלדאן הי"ו מטעם בית אופה דקרית יואל, און ר' ברוך יודא שפיצער הי"ו מטעם בית אופה דקהלתינו אין וומסב"ג.
דער ערשטער שניט איז פארגעקומען אין יומע אריזאונע אין די וואך פון ל"ג בעומר, ווי מ'האט געשניטן קרוב צו א פערטל מיליאון עיקער לאנד און נאנט צו א האלב מיליאון פונט ווייץ לשם מצות מצוה. די מהודר'דיגע ווייץ איז שוין ב"ה אהנגעקומען קיין ניו יארק א וואך פאר שבועות.
אזוי ווי, לויט ווי ס'ווערט געשאצט איז דער סכום ווייט פון גענוג אויפן קומענדיגן יאר און לויטן ברייטן פארלאנג אויף די מצות מהודרים פעלט'זיך אויס פיל מער ווייץ, וואס די פעלדער וואס מהאט געפלאנצט אין אריזאונע האבן נישט געקענט נאכקומען, צוליב דעם וואס איינע פון די ארטיגע פעלדער האט נישט מצליח געווען ארויסצוקומען הונדערט פראצענט לויט די מהודר'דיגע סטאנדארטן וואס רבינו שליט"א האט אראפגעשטעלט און לחומרא יתירה האט מען דאס איבערגעלאזט. איז מען ע"פ הוראת קדשו פון מרן רבינו שליט"א אראפגעפארן זוכן אין די קאליפארניע פעלדער, ווי מ'האט בס"ד געטראפן די ריכטיגע פעלדער און גאר מהודר'דיגע ווייץ
וכמעשהו בראשונה כך מעשהו בשני'ה, מיט אלע חומרות והידורים ואיז דעם מאנטאג - אהנגעהויבן אום 1 אזייגער כחצות היום (4 אזייגער ניו יארקער צייט) - געשניטן ווידעראמאל דעם זעלבן סכום פון קרוב צו א האלב מיליאון פונט ווייץ לשם מצות מצוה.
אינטערוויא מיט מנהלי בית אופה דסאטמאר נאכן ווייץ שניט אין אריזאנא און אין קארליפארניע ב' בהעלותך תשפד