הגה"צ גאב"ד סאטמאר מאנסי שליט"א נעמט אויף ביותרת הכבוד דעלעגאציע פון דינאמישע חברי הנהלת מוסדות סאטמאר וויליאמסבורג אין בעפארברייטונג צום היסטארישן "כינוס סאטמאר"
מי ראה אלו יוצאים - כלנו בני איש אחד אנחנו!
הגה"צ גאב"ד סאטמאר מאנסי שליט"א נעמט אויף ביותרת הכבוד דעלעגאציע פון דינאמישע חברי הנהלת מוסדות סאטמאר וויליאמסבורג אין בעפארברייטונג צום היסטארישן "כינוס סאטמאר"
די אידישע וועלט קאכט און זידט, די שפאנונג ביי טויזנטער סאטמארער חסידים איבער די גארער וועלט איז אנגעצינדן אויפ'ן העכסטן גראד, מיט יעדן טאג נענטער צום היסטארישן "כינוס תלמידי וחסידי סאטמאר" קומענדיגן כ"א כסלו הבעל"ט, וואס וועט צונויפזאמלן רבוא רבבות חסידי סאטמאר לחזור ולשנן, די הייליגע דרכים מבית מדרשו של רבי, דער בעל הנס, מרן רביהקוה"ט זכותו יגן עלינו.
פארלאפענעם דאנערשטאג נאכמיטאג העעל"ט זענען די "חברי הנהלת מוסדות סאטמאר וויליאמסבורג" געווארן אויפגענומען ביותרת הכבוד ביי כבוד הגאון הצדיק גאב"ד סאטמאר מאנסי שליט"א, וואס האט ענטפאנגען די געטרייע הנהלת המוסדות מיט א זעלטענע שמחה.
דער רב שליט"א האט ארויסגעברענגט אז ס'איז אים א זכי' צו קענען אויפנעמען די געטרייע הנהלה און זיי מכבד זיין בכבוד הראוי.
די דעלעגאציע וואס איז געקומען באזוכן ביים רב שליט"א בשליחות פון די גאנצע חברי הנהלה, ה"ה: הר"ר חיים יצחק מאנדל הי"ו - מנכ"ל המוסדות, הר"ר אהרן הערש פריינד הי"ו - יו"ר ועד הפועל, הר"ר יוסף מרדכי ווינער הי"ו - מראשי עסקני המוסדות. ביי די אסיפה האט זיך אויך באטייליגט הר"ר אברהם שלום מענדלאוויטש הי"ו - חבר הנהלת קהלתינו הק' מאנסי, הר"ר שלמה זלמן רייזמאן הי"ו - יו"ר הנהלת המוסדות מאנסי.
דער רב שליט"א האט גאר שטארק מאריך געווען בשבחם פון די חברי הנהלה, וואס האבן די זכי' צו שטיין לימין עוז פון כ"ק מרן אדמו"ר שליט"א, אז די מוסדות הק' זאל זיך פירן על מי מנוחות ברוחניות ובגשמיות לתפארת ממלכת סאטמאר האדירה, און זיי איז צו פארדאנקען די געוואלדיגע הצלחה פון די מוסדות הקדושים אין וויליאמסבורג, וואס איז א מוסטער אין די גאנצע וועלט.
דער רב שליט"א האט אויסגעדרוקט זיין קורת רוח איבער די געפלאנטע אסיפה האדירה, וואס וועט פאראייניגן טויזנטער תלמידי וחסידי סאטמאר, און וועט זיכער איבערלאזן אן השפעה פאר די פרישע דורות זיך צו האלטן אין די הייליגע דרכים, בלי שום שינוי. דער רב שליט"א האט געזאגט אז ער וועט בעז"ה מעודד זיין דעם גאנצן ציבור תושבי מאנסי אנטייל צו נעמען אין די כינוס האדיר, צו זיין א טייל פון דעם לגיון של מלך וואס וועלן פייערן דעם תקפו של נס, בהאי יומא דקא גרים. צו לויבן און דאנקן, שבראנו לכבודו ונתן לנו תורת אמת.
דער באזוך האט געגעבן אויסטערלישע חיזוק פאר די חברי הנהלת המוסדות אין בעפארברייטונג צום גרויסן כינוס, וואס וועט פארצייכנט ווערן מיט גאלדענע אותיות בקורות ממלכת סאטמאר!
אודך בקהל רב!!!
גאלערי
