הערליכער מעמד הנחת אבן הפינה פאר א נייעם פארגרעסערטן בית המדרש אין מחנה ישיבה קטנה סאוט פאלסבורג, איז פארגעקומען מאנטאג פרשת בהר, אויפ'ן שטח הבניה, בהשתתפות רבנן ותלמידיהון, וועלכע זענען געקומען צו פארן מיטהאלטן דעם געהויבענעם מאמענט, ובראשם כ"ק מרן אדמו"ר מסאטמאר שליט"א.

נאכן גיסן דעם אבן הפינה איז פארגעקומען א מעמד לחיים לרגל המאורע, ווי דער מנהל הרה"ג רבי יואל שטעסל שליט"א האט אויפגעטרעטן מיט א פאסיגע דרשה לכבוד היום, און דערנאך האט כ"ק מרן אדמו"ר מסאטמאר שליט"א משמיע געווען דברות קודש וברכה פאר די חשובע בחורי חמד, עקסטער האט דער רבי אנגעוואונטשן פאר הרה"ג רבי יצחק ראזענבערגער שליט"א חדב"ן, מחשובי רמ"י הישיבה.

נאכדעם האט דער מנהל פארטיילט מכתבי תעודות פאר אלע בחורים וואס האבן אריינגעברענגט באדייטענדע סכומים בימי הפורים פאר'ן אויפבוי פון דעם נייעם בית המדרש, און דער רבי האט דערנאך טיילט שיריים פאר אלע בחורים.