מיט גרויס התרגשות האבן אנשי שלומינו אין שטאט לאנדאן דעם היינטיגן דינסטאג אויפגענומען דעם פרייעדיגען בשורה טובה ומשמחת אז די הנהלת "ישיבה ומתיבתא החדש תורה ויראה ד'סאטמאר", האבן מיט גרויס סייעתא דשמיא געשלאסן מקח אויף צוויי גרויסע בנינים ווי די ישיבה וועט פלאצירט ווערן ביי די פתיחת שערי הישיבה דעם קומענדיגען חודש אלול.

נאכן אפירזיכן א שטיק צייט א פאסיגע פלאץ און מען האט נישט געפינען קיין צוגעפאסטע מקום תורה, איז בסייעתא דשמיא אינטערגעקומען פרישע צוויי בנינים וועלכע זענען הערליך צוגעפאסט פאר אלע געברויכן פון א ישיבה און וועט אויסשטאפירט ווערן מיט אלע הצתרכות'ער פארן קומענדיגן זמן.

אין די טעג ארום דעם יו"ט שבועות ווען הרבני הנגיד הרה"ח ר' אליעזר לעיוו הי"ו יו"ר הנהלת הישיבה, איז געווען צוגאסט אין קרית יואל איז ער אריין אנפרעגן ביי כ"ק מרן רבינו הגה"ק שליט"א איבער דעם בנין וועלכע איז געווען אויפן טיש, און געוויזן פארן רבין די פלענער פארן בנין, נאכן באקומען די קלארע ברכת הקודש פונעם רבין צו פאראויס'גיין מיטן מקח איז דעם דינסטאג געשלאסן געווארן דער מקח אין א מזל'דיגע שעה אויף די צוויי בנינים וועלכע געפינט זיך אויפן מענאר ראוד גאס אין שטאט.

לרגל דעם פרייעדיגן מאמענט איז דעם דינסטאג אין די נאכמיטאג שעה'ן פארגעקומען א מסיבות לחיים אין שטוב פון הרה"ח ר' אליעזר לעיוו הי"ו.

די לחיים איז געווען אין שפיץ פון הגה"צ אבדק"ק ור"מ וויליאמסבורג שליט"א, וועלכע האט זיך געפינען און שטאט לרגל די חתונה פון א תלמוד, ווי אויך האבן זיך משתתף געווען הגה"צ אבדק"ק ור"מ לאנדאן שליט"א ריש המתיבתא, הגה"צ דומ"ץ דקהלתינו לאנדאן שליט"א, דער ראש ישיבה הרה"ג ר' אברהם שלמה פאדווע שליט"א, און אלע חברי הנהלת הישיבה.

בורא עולם בקנין השלם זה הבנין