א גרויס התרגשות נעמט ארום יהדות לאנדאן בכלל און חסידי סקולען בפרט, צו די פריידיגע ידיעה אז כ"ק האחים האדמורי"ם מסקולען שליט"א וועלן זיך ארויסלאזן אין וועג קיין עיר הבירה לאנדאן דעם קומענדיגן אנהייב חודש תמוז, צו מפאר זיין על ראש השמחה, ביי די שמחת הנישואין פון אן אייניקל ביים שוואגער הגה"צ רבי דוד לייב קלוגהויפט שליט"א מסטרעליסק חדב"ן הרה"ק בעל מאור ישראל מסקולען זצ"ל, און אן אייניקל ביי כ"ק אדמו"ר מבאיאן שליט"א. ביי די היסטארישע מסע האחים האדמורי"ם שליט"א, וועלן זיך אנשליסן כ"ק האדמורי"ם מסקולען פון וויליאמסבורג, מאנסי, לעיקוואד און ירושלים. עס ווערן שוין געמאכט די העפטיגע אראנדזשירונגען דורך עסקני חצר הקודש סקולען אנצוגרייטן די פיר פאכיגע געמיינזאמע נסיעה בשבת אחים גם יחד, ווען יהדות לאנדאן וועט זוכה זיין מקבל צו זיין פניהם בתודה, און אריינכאפן די געלעגנהייט לחסות בצל קדשם און נהנה זיין מאורם ביי די שמחת בית צדיקים און טעג ארום.     

קרעדיט: אידישע נייעס