מאנסי — א באדייטנדע אנטוויקלונג פאר די טאשער מוסדות אין מאנסי: די הנהלת המוסדות האט אונטערגעשריבן א קאנטראקט אויף א גרויסן בנין, וואס וועט בעז״ה דינען אלס א נייעם היים פאר דעם וואקסנדן תלמוד תורה ד׳טאהש.

דער תלמוד תורה, וואס איז געגרינדעט געווארן מיט עטליכע יאר צוריק, האט ב״ה געזען א שטארקן וואוקס אין דער צאל תלמידים. ביז היינט איז דער מוסד געווען אקאמאדירט אין א געדונגענעם לאקאל, אבער מיט דער פארגרעסערונג פון דער צאל תלמידים איז אויפגעקומען דער נויט צו טרעפן א גרעסערן און פאסיגערן בנין, וואס זאל קענען דינען דעם מוסד פאר לאנגע יארן.

מיט סייעתא דשמיא איז געפונען געווארן א פאסיגער מקום אויף Highview Street אין מאנסי, וואס נעמט אריין א גרויסן דריי שטאקיגן בנין מיט א ברייטע שטח ארום.

דער בנין פארמאגט לופטיגע כיתות, א גרויסן בית המדרש, א חדר אוכל און נאך פארשידענע איינריכטונגען, וואס וועלן ערמעגליכן דעם מוסד צו צושטעלן א פאסיגע סביבת הלימודים פאר די תלמידים, און ווייטער אנטוויקלען די עבודת הקודש פון תורה און חינוך.

די אונטערשריפט פונעם קאנטראקט איז א וויכטיגער שריט פאר די טאשער מוסדות אין מאנסי, און ברענגט דעם מוסד נענטער צו דער ציל פון האבן אייגענע, פערמאנענטע לאקאלן, וואס וועלן קענען אקאמאדירן דעם ווייטערדיגן וואוקס.

דער דיעל איז צושטאנד געקומען דורך א בליק לייוו׳ס ריעל עסטעיט אגענט, מושי כהן.

פאר סיי וועלכע ריעל עסטעיט דיעלס — קויפן, פארקויפן אדער אינוועסטירן — דרוקט דא: א בליק לייוו ריעל עסטעיט