אפדעיט 5:30 

און די יעצטיגע מינוטן טיען טויזענטער אידן פארלאזן דעם בית החיים מיט פארווייטאגטע הערצער. נאכן באגלייטן צום לעצטן מאל רבם ומאורם כ"ק אדמו"ר מקאסוב זצ"ל למנוחת עולמים וואס מיט דעם איז פארלאשן געווארן דעם נר המערבי. עס איז בלויז צום האפן אז די רבי זצ"ל וועט איינרייסן ביים כסא הכבוד אז עס זאל שוין זיין ובא לציון גואל בלע מות לנצח ומחה ה' כל דמעה מעל כל פנים ונאמר אמן…

אפדעיט 4:15

די מיטה איז יעצט אנגעקומען צום בית החיים דקהל וויזניץ און מאנסי ווי עס וועט קומען לקבורה,,,,,

וכל בית ישראל יבכו את השריפה אשר שרף ה' 

שנשבע ונשבשר בשורות טובות,,

אפדעיט 2:55

די מיטה פון כ"ק אדמו"ר זצ"ל איז נארוואס אנגעקומען צו בית המדרש הגדול וויזניץ און מאנסי.. 

א גאר שווערע געדעכטע טרעפיק הערשט און גאנץ מאנסי צוליב די אפשפארונג פון פילע פארנומענע גאסן..

אפדעיט: 1:50 די מיטה איז די מינוטן אנגעקומען ישיבה אור ודעת אין מאנסי ווי כ"ק אדמורים מסאטמאר אין סקווירא שליט"א האבן אפגעווארט די מיטה 

אפדעיט 1:20 

די מסע הלוויה און בארא פארק איז נארוואס פארענדיגט געווארן און די מיטה איז יעצט אויפן וועג קיין מאנסי ווי עס איז ערווארטעט אנציקומען און בערך א דריי פערטל שעה..

אפדעיט 12:55

די גאסן ארום די בית החיים און מאנסי זענען נארוואס אפגעשלאסן געווארן פארן פארקער. חבירים האט און די יעצטיגע מינוטן אויפגעשטעלט א קאמענד סענטער אויפן שטח הארט נעבן די בית החיים..

 אפדעיט 12:40

די גאסן ארום בית המדרש הגדול וויזניץ און מאנסי ווערן שוין יעצט אפגעשפארט פארן פארקער און ביפארגרייטונג צום מסע הלוויה..

אפדעיט 12:25

דרכי בארא פארק אבילות..

די מסע הלוויה איז נארוואס ארויס לרחובה של עיר אויפן וועג קיין מאנסי..

אפדעיט 12:10

האדמו"רים מסאטמאר, באבוב-45 און תולדות יהודה סטוטשין ביים מסע הלויה פון כ"ק אדמו"ר מקאסוב זצ"ל

אפדעיט 12:05

כ"ק אדמו"ר מקאסוב הרה"צ רבי יעקב שמשון האגער שליט"א האט יעצט אויסגערופן רירנדע ווערטער, אז ער בעט זיין יונגערער ברודער כ"ק אדמו"ר מקאסוב הרה"צ רבי מנחם מענדיל דוד שליט"א זאל קומען קיין אמעריקע איבערנעמען די כתר האדמורו"ת, און ווייטער ממשיך זיין די הייליגע המשכה לבית קאסוב

אפדעיט 12:00

חבירים דראקלענד האט יעצט ארויסגעשטעלט די טרעפיק מאפע פון מאנסי היינט נאכמיטאג ווען די מסע הלוויה וועט פארקומען און די גאסן פון מאנסי. די לוויה וועט ארויסגיין פון בית המדרש הגדול וויזניץ און וועט גיין לענגאויס רוט 306 ביזן וויזניצע בית החיים..

אפדעיט 11:50

 יעצט טרעט אויף דער לאנגיעריגער ראש הקהל אין קהילה קדושה קאסוב הנגיד החסיד ר' שלמה זלמן קליין הי"ו איש אמונו פונעם רבי'ן זצ"ל, אויפן רבינ'ס בקשה איז ער מכתיר די צוויי עלטסטע קינדער אלס ממשיכי דרכו בקודש, בנו הגדול הגה"צ ר' יעקב שמשון האגער שליט"א אלס אדמו"ר מקאסוב אין בארא פארק, און דער צווייטער זון הגה"צ ר' מנחם מענדיל דוד האגער שליט"א (איידעם ביי כ"ק אדמו"ר מסערט וויזניץ שליט"א) אלס אדמו"ר מקאסוב אין ארץ ישראל.

אפדעיט 11:30 העפטיגע הכנות צי די קבורה און וויזניצע בית החיים ..

די מיטה פון כ"ק אדמו"ר מקאסוב זצוק"ל איז אנגעקומען אין ביהמ"ד, די מיטה איז געווארן אראפגעלייגט אויף דער ערד, השליך משמים ארץ תפארת ישראל, און דער פרוכת איז געווארן אראפגענומען. די פינף און פופציגסטע סטריט צווישן 13 און 14 איז שוין פולקאם פארשלאסן פאר פארקער.

צופרי וועט מען פירן די מיטה צו די טהרה אין די מקוה אין בנין ביהמ"ד הגדול וויז'ניץ אויף די דריי און פופציגסטע גאס אין בארא פארק, באותו מקום וואו דער רבי זצוק"ל האט געדינט אלס דיין ומורה צדק צענדליגער יאהרן, מען וועט דאן צוגרייטן דעם ביהמ"ד צום לוי' וואס וועט זיך אנהייבן בשעה 11:00 פארמיטאג.

שבת צופרי האט זיך די בשורה בליץ שנעל פארשפרייט אין גאנץ בארא פארק, איבער די פטירה פון כ"ק הגאון הקדוש מקאסוב זכר צדיק לברכה אז צדיק אבד מן הארץ, וואו אידן האבן זיך געדארפט מחזק זיין ביום השבת און נישט ווערן אראפגעשלעפט.

כ"ק אדמו"ר הרה"ק ר' שרגא פייבוש מקאסוב, בן ר' אברהם יהושע העשיל מקאסוב, אייניקל פונעם הייליגן אמרי ברוך מוויזניץ זצוק"ל.

ער איז געבוירן אין שנת תשי"ז

דער רבי זצ"ל איז געווען אן איידעם ביי הרה"ג ר' חיים מאיר וואזנער זצ"ל דער רב פון די זכרון מאיר געגענט אין בני ברק א זוהן פון מרן בעל שבט הלוי זצוק"ל.

דער רבי איז געווען באקאנט מיט זיין געוואלדיגע גאונות און דביקות אין תורה, זיין געוואלדיגע התמדה אין תורה, אויסגענוצט יעדע מינוט פון קינדווייז אן, געזעצן אין ביהמ"ד יומם ולילה, אידן זענען אלס געקומען מיט שאילות צום רבי'ן, פון פשוט'ע שאילות יומיות, אזוי אויך שווערע שאילות, ביז שאילות פון לעבן און פיקוח נפש.

ער איז געווען באקאנט אלס א קלוגער מענטש, און א גרויסער בעל מחנך, און ווי אויך פלעגט ער שתדלן א געוואלד פאר בחורים וואס זענען געבליבן אן קיין ישיבות.

פון גאנץ נוא יארק און פון בארא פארק בפרט - מקום ביתו נאווה קודש און ממלכת בית קאסוב, און וואו דער רבי האט אויך געדינט אלס דומ"ץ וויזניץ - בארא פארק, זענען אידן געקומען שעפן יראת שמים און חיזוק ביים רבי'ן זצ"ל, איעדער איז געווען באקוועם און שיין אויפגענומען, יעדער האט געפיהלט א נאענטקייט און ווארמקייט.

אידן פון איבעראל זענען געקומען מיטהאלטן די תפילות און טישן, א דאווענען וואס האט געקאכט און געפלאמט, דער רבי מיט זיין געוואלדיגע דערהויבנקייט האט נישט נאכגעלאזט אפילו אין די גאר לעצטע תקופה, מיט א שטארקייט ביז ווי ווייט ער האט נאר געקענט.

 אפדעיט 12:50 אצינד אין ביהמ"ד זיך צו געזעגענען פונעם געטרייען רבי און מנהיג , (זעהט ווידעא) 

אפדעיט 11:34   די מסע הלוי' פון כ"ק אדמו"ר מקאסוב זצ"ל וועט פארקומען מארגן זונטאג 11:00 אזייגער פארמיטאג בבית מדרשו, פון בארא פארק וועט די מיטה געפירט ווערן קיין מאנסי וואו עס וועט פארקומען די לוי' ביים ביהמ"ד הגדול וויזניץ מאנסי אויף פיליס טערעס, די רבי וועט קומען למנוחת עולמים אויפן וויזניצער בית החיים אין מאנסי סמוך ונראה צום ציון פון זיין פאטער כ"ק אדמו"ר מקאסוב זאליטשיק זצ"ל.

שנשמע ונתבשר בשורות טובות.

אפדעיט  32 :11  די געטרייע עסקנים ביי די לעצטע צוגרייטונגען צום מסע הלוויה'

אפדעיט: 9:20 אינדערפרי :

במשך די גאנצע נאכט איז די גאנצע  בית מדרש געווען פול מיט אידן וואס האבן געזאגט תהילים סמוך ונראה צום גוף קדוש פון רבן של כל בני הגולה כ"ק אדמו"ר זצ"ל שנתבקש לישיבה של מעלה. צווישן אנדערע האט זיך אנגעזעהן כ"ק אדמו"ר מוויזניץ ירושלים שליט"א וועלכע איז ווי באקאנט ביי חסידי קאסוב געווען גאר שטארק מקושר מיטן רבין יארן לאנג. די מיטה איז נארוואס גענומען געווארן צום מקווה טהרה און  וויזניצע בית המדרש אויף די 53סטע גאס ווי דער רבי זצ"ל איז געווען דומ"ץ און מורה הוראה יארן לאנג.. און די יעצטיגע מינוטן ווערן שוין אויך געמאכט העפטיגע הכנות אויף די מאנסי'ע גאסן צום גרויסארטיגן לוויה שפעטער און טאג…

טרעפיק מאפע פון די גאסן וואס וועלן זיין אפגעשפארט בשעת די מסע הלוויה און בארא פארק:

אפדעיט 10:15 אינדערפרי 

די מטה פון כ"ק אדמו"ר זצ"ל איז נארוואס ארויסגעפירט געווארן פון בית המדרש וויזניץ אויפן וועג צום בית מדרש קאסוב פון ווי די מסע הלוויה וועט ארויסגיין אין בערך א שעה ארום..