בס"ד

צרה רודפת צרה:

שוידערליך! שאָקירענד! נאָך

 3 קינדער אין געפאַר צו ווערן פאַרכאַפּט און איבערגעגעבן

 צו קאַטוילישע עלטערן

- אידן איבער די גארער וועלט ווערן אלארמירט איבער א ווייטערן שרעקליכן אנטוויקלונג ביי דעם אומגליקליכן אידישן פאמיליע, וואס 3 פון אירע קינדער זענען שוין ברוטאל אוועקגעריסן געווארן פון די אידישע מאמעס הענט! - הגה"צ הפודה והמציל המפורסם, רבי חיד"א ווייס שליט"א, שוין אנגעקומען קיין פראנקרייך פאר דעם היסטאריש-טראגישן פדיון שבויים קעיס -  

דאס אלץ האט זיך אנגעהויבן  מיט א ווילדן איבערפאל דורך די פאליציי, אויף א פרומע ספרדישע משפחה פון א"י. מ'האט דאן מיט געוואלד אוועקרגעריסן פון דער מאמע 3 פון אירע לעכטיגע אומשולדיגע קינדער, בשעת דער טאטע איז נישט אינדערהיים לויט א פארלאנג פון דער פאליציי וועלכע האבן אים פארטריבן פון שטאט.

די 3 קינדערלעך - שלמה'לע 3 יאר אלט, אסתר'ל 5 און מימון א יונגעל 7 יאר - האבן זיי אריינגעלייגט אין א גויאישער שטוב וואו זיי מוזן אויך גיין אין א פובליק שולע מיט קינדער פון אנטיסעמיטישע היימען צווישן זיי אראבישע; וועלכע זענען אצינד אנגעהיצט צוליב'ן עזה מלחמה. די דאזיגע פאר'צער'טע אידישע נשמה'לעך גייען דורך טעגליך ביטערע פארפאלגונגען און פארשמענדע איבערלעבונגען.

די רשעות'דיגע אינסטאנצן לאזן נישט די יונגלעך גיין מיט די קאפלעך. ווען דער עלטערער מימון האט זיך גע'עקשנ'ט נישט צו עסן טריפות, האט מען אים ל"ע ארויף געצווינגען צו נעמען א געוויסע 'דראג' וואס פירט צו 'אונטערגעבונג'; ער זאל מער נישט שטעלן קיין ווידערשטאנד, ה"י.

אצינד איז געקומען די שווערע טראגישע ידיעה, אז די פאליציי גרייט זיך צו א פרישן בלוטיגן אקציע. צו טון דאס זעלבע מיט די איבערגעבליבענע 3 קינדערלעך וואס לעבן מיט די מאמע.

דעם דאנערשטאג יוי 4 למס' וועט איבערדעם פארקומען א הירינג אין געריכט. הגה"צ, הפודה והמציל המפורסם, רבי חיד"א ווייס שליט"א, איז שוין אנגעקומען קיין פראנקרייך ארבעטנדיג – פאר הצלת הנשמות ונפשות - מיט די גרעסטע אדוואקאטן פאר אזעלכע קעיסעס.

די עסקנים העוסקים בפרשה זו - מיט א מסי"נ עד להפליא - ערקלערן: איינציגער וועג אפצוראטעווען די 3 - און די אנדערע - קינדער פון פשוט שמד רמ"ל; צו קענען צוריק זיין מיט זייערע עלטערן, איז א שווערער-לאנגער געריכט פראצעס. אט דאס נעמט מען יעצט אונטער מיט'ן פארזיכערונג אז "די גאנצע אידישע וועלט" וועט דאס העלפן פינאנצירן.

אידישע ברידער און שוועסטער, יונג און אלט: זייט מתפלל פאר די צובראכעכנע-פארלוירענע אידישע מאמע רבקה בת גילה און פאר אירע טייערע אומשילדיגע קינדער: מימון, אסתר, שלמה, רחל, ברכה, און אברהם.

כולנו להוציאם מאפילה לאורה.

פאר מער פרטים דרוקט דא אדער רופט 646-718-9907