הנה מלכך בא: חסידי סאטמאר אין אנטווערפען וועלן געניסן פון קורצן באזוך דורך האדמו"ר מסאטמאר אויפן וועג קיין סיגעט:

 מיט גרויס פרייד נעמען חסידי סאטמאר אין אנטווערפען אויף די בשורה מרנינה איבער'ן בליץ-באזוך וואס כ"ק אדמו"ר מסאטמאר שליט"א וועט אפרעכטן אין שטאט, אין די ראמען פון די געהויבענע מסע הקודש צו די קברי אבות אין אייראפע, וואס דער רבי נעמט אונטער דעם קומענדיגן פרשת מטות מסעי, לרגל די הילולא קדישא פונעם ראש השושלת לצדיקי עצי התמרים דער הייליגער ישמח משה זי"ע, וואס געפאלט דעם קומענדיגן שב"ק פרשת מטות-מסעי כ"ח תמוז. לויט די באשטעטיגטע פלענער וועט דער רבי שליט"א אין די פמליא לאנדען אינעם לופטפעלד אין אמסטערדאם האללאנד דאנערשטאג אינדערפרי, און פון דארט אריינפארן קיין אנטווערפען. די רבי שליט"א וועט וויילן אין שטאט במשך די טאג, און באזוכן אין אלע אפטיילונגען פון די מוסדות וואס האט זיך בליעה"ר פרעכטיג צעבליעט און צעוואקסן אויף אן אויסטערלישן פארנעם בכמות ובאיכות, זינט דעם רבינס לעצטן באזוך אין שטאט מיט קרוב צו צען יאהר צוריק, און עס ווערט כסדר נתרומם ונתרחב די גבולי הקדושה לשם ולתפארת, דער צענטראלער ביהמ"ד הגדול ד'סאטמאר, וואס שיינט ארויס אלס לייכטטורעם פאר די גאנצע שטאט, די ישיבה קטנה, תלמוד תורה, און כולל אברכים וואו די רבי שליט"א וועט כדרכו איבערגעבן א לומדישע שיעור, אל יפטר אדם מחברו אלא מתוך דבר הלכה, שפעטער אויפדערנאכט וועט די רבי ממשיך זיין די נסיעה קיין סיגעט וואו די רבי וועט אפרעכטן בנהירו עילאה דעם שבת הילולא כ"ח תמוז אינעם עיר האבות סיגוט.

קרעדיט: אידישע נייעס