= ערב שבת קודש פרשת אחרי קדושים שנת תשפ"ה =

מטעם בית הגה"צ אבדק"ק ור"מ שליט"א ווערט געמאלדן אז דער רב שליט"א וועט וויילן אויף דעם שבת קודש פ' אח"ק בשכונת חתם סופר אין קרית יואל המורחבת, וואו דער רב וועט פראווענען א שבת התאחדות בשליחות הקודש פון אביו הגדול כ"ק מרן רבינו הגה"ק שליט"א מרא דאתרא קדישא אינאיינעם מיט די צענדליגע אנשי שלומינו תושבי השכונה שטייענדיג אין די תקופה פון הרחבת גבולי העיר ווען קרית יואל ברייטערט זיך אויס אויף א שטארקן פארנעם, וועט מען זיך צוזאמקומען אויף א דערהויבענער שבת התאחדות להרים קרן התורה והחסידות און מחזק זיין דעם גאנצן שכונה בדברים הצריכין חיזוק,

אזוי אויך וועט דער רב אויסנוצן דעם געלעגנהייט ביים שבת התאחדות צו שאפן נויטיגע סכומים לטובת דעם נייעם בנין הישיבה פאר די ישיבה קטנה דרך התורה וועלכע שטייט בהנהלת דעם רב וועלכע איז ערווארטעט צו אריינגיין אין באנוץ בעז"ה אױף קומענדיגן ר"ח תמוז הבעל"ט.

במשך שבת וועט דער רב האבן די אכסניא אין שטוב פון הרה"ח ר' שאול שמואל סטראלאוויטש הי"ו.

די תפילות ליל שבת קודש וועלן אפגעראכטן װערן אין ביהמ"ד אנשי חי"ל פראנקפורט אויף Hudson pointe 9, מנחה בשעה 8:15.

די סעודות שבת קודש וועט דער רב פראווענען אינאיינעם מיט תלמידיו הנאמנים יוצאי ישיבה קטנה סניף דרך התורה אין בית המדרש אור משה.

נאכ'ן סעודת ליל שבת קודש בשעה 11:15 וועלן זיך צוזאמקומען אנשי שלומינו תושבי השכונה צום התוועדות ליל שבת קודש בראשות דעם רב שליט"א אין ביהמ"ד אור משה אויף 24 Catskill high rail.

שבת אינדערפרי וועט דער רב דאווענען אין ביהמ"ד ד'וואדבערי ווילאס אויף 47 Hadley farms Rd, שחרית בשעה 9:45 ברכות.

אין די נאכמיטאג שעה'ן אום 7:30 וועט דער רב פארלערנען פרקי אבות בדברי הדרכה והשקפה פאר די תושבי השכונה אין ביהמ"ד אנשי חי"ל פראנקפורט.

בשעה 8:15 וועט מען דאווענען מנחה און דערנאך וועט דער רב פראווענען שלש סעודות בעת רעוא דרעוין וואו מען וועט האבן די זכי' צו הערן דברי תורה ודברי כיבושין פונעם רב שליט"א בדברי חיזוק והדרכה, מוסר והתעוררות.

= התעוררי התעוררי כי בא אורך - שבת קודש נפשי חולת אהבתך =