באזוך פון הרה"צ אב"ד חיים מאיר האגער שליט"א אינעם נייעם בנין הישיבה 'אהבת ישראל' ויזניץ אין רמה ד' בית שמש
גאלערי
ביים אנקומען האט דער רב קובע געווען א מזוזה אינעם נייעם געביידע, און דערנאך געדאוונט מנחה אינאיינעם מיט די בחורים אינעם הערליכן היכל הישיבה.
נאכן דאווענען איז פארגעקומען א 'לחיים', וואו דער רב האט איבערגעגעבן דברי הכנה לקראת די ימים נוראים און שטארק געלויבט דעם גוטן נאמען וואס די ישיבה האט זיך ערווארבן.
דער רב האט באדאנקט די רבני הישיבה פאר זייער איבערגעגעבנקייט. א ספעציעלע דאנק איז אויסגעדרוקט געווארן פאר הרה"ח ר' דוד יונה ווייס הי"ו פארן צושטעלן אלע געברויכן פאר די תלמידים ברוחניות ובגשמיות, און פאר חבר העירייה הרה"ח ר' מאיר שעכטער הי"ו פאר זיין שווערע ארבעט צו באקומען דעם נייעם בנין.
צום שלוס זענען אלע בחורים אריבערגעגאנגען פערזענליך צום רב זיך צו געזעגענען און אפנעמען א ברכה פאר א גוט און געבענטשט יאר.