*אלופי אלפי ישראל ביים גרויסארטיגע מעמד ׳אדירי התורה׳ בראשות גדולי ראשי הישיבות שליט"א*

פילאדעלפיע - איבער 25,000 אידן האבן זיך היינט מיטאג ארויסגעלאזט אויף די וועגן און שטעגן צו די גיגאנטישער וועלס פארגא צענטער אין שטאט צו מיטהאלטן דעם דריטן מעמד אדיר ׳אדירי התורה׳ וואס האט היי יאר אויך געטראגן דעם סלאגאן חזקה ווי עס איז ארויסגעברענגט געווארן די הוקרה והערכה פאר די 7,568 בחורים און יונגעלייט וואס לערנען אין די תורה פעסטונגען פון ישיבה בית מדרש גבוה, 

דער געהויבענע מעמד לכבוד התורה ולומדיה האט זיך אנגעהויבן האלב נאך פינף מיטאג און האט זיך געצויגן פאר לאנגע שעות ביז כמעט 10 אזייגער. 

פילע גדולי ראשי ישיבות פון איבער דער גארער וועלט האבן באשיינט דעם געהויבענע מעמד בראשות הגאון רבי משה הלל הירש שליט"א ראש ישיבת סלאבאדקע וואס איז געווען דער אורח הכבוד פון ארץ ישראל (עס איז ווערד צוצייכענען אז דער ר"י פערזענליך איז א תלמיד פון די ישיבה) און ראש ישיבת פילאדעלפיע הגאון הישיש רבי שמואל קאמינעצקי שליט"א וואס איז אין א היסטארישע שריט געקומען זיך באטייליגן ביים מעמד, דאס איז די  ערשטע מאל וואס די ר”י טוט ערשיינען ברבים זינט די ר”י האט געליטן פון א סטראוק פאר א יאר צוריק. 

אינציווישן די פייערדיגע דרשות פון די גדולי התורה מיטן ציל צו מוקיר צו זיין די לומדי תורה און די אברכי הכוללים און קענען פינאנצירן די געהאלט פארטאפלונג וועלכע איז אונטערגענומען געווארן אויף דער אינציאטיוו פון הנגיד ר' אליעזר שיינער הי"ו פאר 3 יאר צוריק, האט די גרויסע קאפעליע פון זינגער און שפילער אויפגעהייטערט דעם ציבור מיט פייערדיגע געטענץ לכבוד התורה ולומדיה.

באריכט קרעדיט *זעמל,*