וכאן הבן שואל אין די לעצטערע תקופה האט הנהלת מאמר מרדכי אריינגעלייגט גאר גרויסע כוחות צו פארשטערקערן און אוועקצושטעלן א יסוד ובסיס פארן גראנדיעזן "קרן מועדים לשמחה", וואס פארטיילט ריזיגע סומעס פאר די הונדערטע משפחות חסידי סקווירא בארה"ק זאלן קענען פשוט אריינקומען צום יו"ט מיט פרייליכע געמיטער, ובמיוחד יעצט מיטן צושטעלן א ברייטע "קימחא דפיסחא חלוקא" אינטערן נאמען "וכאן הבן שואל", דורכן צושטעלן די ספעציעלע "יום טוב פאנד" קארטלעך אויף א גרעסערע פארנעם, צו קענען איינקויפן אלע צרכי החג בהרחבה   כלל אנ"ש חסידי סקווירא האבן געהאט די זכיה צו שליסן א שתפות מיט הרה"ק רבי מאטעלע קאזמירער זי"ע, דורכן זיך ווארעם משתתף זיין ביים קאמפיין לביסוס הקרן, ווען לכבודם פון די גרעסערע נדיבים איז פארגעקומען א ווארעמע גייסטרייכע באנקעט אין שטוב פון הרבני הנדיב מוה"ר יודל גרינוואלד שי' אין בארא פארק, בראשות הרה"צ רבי יעקב יוסף טווערסקי שליט"א בן כ״ק אדמו״ר מסקווירא שליט״א וואס האט משמיע געווען מדברותיו הנעימים איבער די גרויסע זכיה צו שליסן דעם הייליגן שותפות. די חשובע נדבנים האבן זיי זיך פארזיכערט מיטן "גם הוא יצליח" ברכה פונעם פאטער דער הייליגער טורסיקער מגיד זי"ע, און דער אויבערשטער וועט זיי געוויס באצאלן בכפלי כפליים מיט אלע השפעות טובות און זוכה זיין צו א כשר'ן פרייליכן פסח