Loading
זעמל - ניו יארק - א ניי פארמירטע אנקעטע פירמע מיטן נאמען ׳זעניט ריסוירטש ׳ האט ארויסגעשטעלט אן אנקעטע וואס זיי האבן גענומען אין בעפארברייטונג צו די ניו יא..   |  זעמל - וויליאמסבורג - אין א ‏היסטארישע מאמענט ווערט יעצט ביינאכט אראפגענומען די סכנות'דיגע בייק ליניע וואס איז געלאפן צווישן קארס און פיסגייער אויף בעדפאר..   |  זעמל - פאריז - שטייענדיג עטליכע טעג נאך די שאקירנדע אינצידענט ווען א גרופע פון 44 אידישע קינדער און זייער קעמפ דירעקטאר פון פראנקרייך זענען געווארן אראפגע..   |  אידישער ווינקל - אייגנארטיגע בילדער ווי דער איי-די-עף ווארטזאגער אין אראביש אביחי אדרעי באקומט א ווארעמע אויפנאמע אין א דרוזישע ווילעדזש דרום פון דמשק, אין סיריע.   |  אידישער ווינקל - דיוויזיע 98 האט געענדיגט איר ארבעט אין צפון עזה און האט זיך פון דארט ארויסגעצויגן זיך צו אנגרייטן אויף נאך אנדערע מיסיעס.   |  אידישער ווינקל - פרעזידענט טראמפ אין א טויט צו דער געוועזענער רוסישער פרעזידענט דמיטרי מעדוועדעוו: "זאג פאר מעדוועדעוו..   |   זעמל - ניו יארק - א ניי פארמירטע אנקעטע פירמע מיטן נאמען ׳זעניט ריסוירטש ׳ האט ארויסגעשטעלט אן אנקעטע וואס זיי האבן גענומען אין בעפארברייטונג צו די ניו יא..   |  זעמל - וויליאמסבורג - אין א ‏היסטארישע מאמענט ווערט יעצט ביינאכט אראפגענומען די סכנות'דיגע בייק ליניע וואס איז געלאפן צווישן קארס און פיסגייער אויף בעדפאר..   |  זעמל - פאריז - שטייענדיג עטליכע טעג נאך די שאקירנדע אינצידענט ווען א גרופע פון 44 אידישע קינדער און זייער קעמפ דירעקטאר פון פראנקרייך זענען געווארן אראפגע..   |  אידישער ווינקל - אייגנארטיגע בילדער ווי דער איי-די-עף ווארטזאגער אין אראביש אביחי אדרעי באקומט א ווארעמע אויפנאמע אין א דרוזישע ווילעדזש דרום פון דמשק, אין סיריע.   |  אידישער ווינקל - דיוויזיע 98 האט געענדיגט איר ארבעט אין צפון עזה און האט זיך פון דארט ארויסגעצויגן זיך צו אנגרייטן אויף נאך אנדערע מיסיעס.   |  אידישער ווינקל - פרעזידענט טראמפ אין א טויט צו דער געוועזענער רוסישער פרעזידענט דמיטרי מעדוועדעוו: "זאג פאר מעדוועדעוו..   |  

יארצייט - מאנטאג ה' ניסן. הרה"ק רבי אברהם יהושע העשיל ב"ר שמואל זי"ע, בעל אוהב ישראל, מאפטא

ה ניסן תשפ"ג

0 1,518
Main image for יארצייט - מאנטאג ה' ניסן.  הרה"ק רבי אברהם יהושע העשיל ב"ר שמואל זי"ע, בעל אוהב ישראל, מאפטא

הרה"ק רבי אברהם יהושע העשיל ב"ר שמואל זי"ע,

בעל אוהב ישראל, מאפטא

איז געבוירן געווארן אין שטאט ז'מיגראד, בשנת תק"ח,

צו זיין טאטן הגה"ק רבי שמואל מזימיגראד אב"ד ניישטאט זי"ע,

ער איז געווען א אייניקעל פון הגה"ק רבי שאול וואהל זי"ע. 

און צו זיין מאמע מרת בת שבע ע"ה, בת הגה"ק רבי משה פרנס זי"ע,

א אייניקעל פון הגה"ק מהר"ם לובלין זי"ע. 

די מאמע פון הגה"ק רבי משה פרנס זי"ע, איז געווען די טאכטער פון הגה"ק רשכבה"ג רבי העשיל מקראקא בעל חנוכת התורה זי"ע, נאך וועם מען האט דעם רבין געגעבן דעם נאמען העשיל. 

צדיקי דורו האבן פון אים געהאלטן גאר שטארק און מפלא געווען זיין גדלות אין תורה ועבודת השם, און זיינע גרויסע מידות הצדקה און אהבת ישראל. 

הרה"ק ר' אייזיקל קאמארנא זי"ע, האט נאכגעזאגט בשם דעם הייליגען חוזה מלובלין זי"ע, אז די פסוק פון פרשת ראה "רְאֵה אָנֹכִי נֹתֵן לִפְנֵיכֶם הַיּוֹם בְּרָכָה" אז די ווארט "ברכה" גייט ארויף אויף, 

הרה"ק ר' מענדלי מרימנוב זי"ע, 

והרה"ק המגיד מקאזניץ זי"ע, 

והרה"ק בעל אוהב ישראל מאפטא זי"ע. 

הרה"ק ר' ברוך'ל ממעזיבוז זי"ע, 

א אייניקעל פונעם בעש"ט הק' זי"ע, האט מוראדיג מחשב און מכבד געווען דעם רבין און געזאגט בזה"ל “ער האט א גאלדן געוויכטעל אין מויל, 

און ווייסט צו זאגן חכמות און דברים יקרים", און דער הייליגער מגיד זי"ע האט אים אזוי מחבב געווען און געוויסט זיין גדלות אז ער האט אים אויפגענומען אלס זיין ממלא מקום נאכן הסתלקות,

און ווי מען פארציילט האבן די בני קהלה נישט מסכים געווען צו אויפנעמען דעם אפטא רב אלס ממלא מקום ווייל ער איז שוין דאן געווען א זקן. 

דער אפטא רב האט דאס מרגיש געווען און געזאגט אז זיי וועלן נאך זעהן אז איך וועל נאך זיין ממלא מקום די זעלבע סכום יארן ווי הרה"ק רבי ברוך'ל זי"ע און כך הוה ער איז געווען רב אין מעזיבוז פאר 12 יאר, די זעלבע סכום ווי הרה"ק רבי ברוך'ל זי"ע.

שוין פון אלס קליין קינד האט מען געזעהן אויף אים אז ער וואקסט אויס א צדיק וקדוש. 

הרה"ק ר' ישראל מריז'ין זי"ע האט געזאגט אויפן רבין אז נאך ווען ער איז געווען גאר יונג האט ער שוין געקענט זעהן עתידות, און ער האט מתפלל געווען צום באשעפער אז ער זאל אוועק נעמען פון אים די מדרגה. 

אויך האט הרה"ק ר' אייזיק'ל קאמארנא זי"ע, געזאגט אויפן רבין אז ער האט פון די גראזן אויפן פעלד און פון די פיס טריט פון מענטשן געקענט זעהן עתידות, און ער האט מורא געהאט אז דורך די מדריגות קען ער זיך ח"ו טועה זיין, האט ער געבעטן פונעם באשעפער אז ער זאל אים צונעמען די מדרגה.

אויך זאגט מען אז גאנץ אנפאנג ווען א איד איז אריין צום רבין מיט א קוויטעל האט די רבי אויסגערעכנט יעדע עבירה וואס דער איד האט געטון, און דעם איד מעורר געווען צו תשובה און ווען דער איד איז ארויס איז ער געווען  נייע בריה, אבער צוליב דעם האבן מענטשן זיך צוריק געהאלטן צו קומען צום רבין זיך מזכיר זיין. 

ווען די רבי האט דאס געהערט האט ער געבעטן ביים באשעפער אז ער זאל דעם מדריגה אוועק נעמען כדי ער זאל קענען העלפן אידישע קינדער און פון דאן אן האט ער נאר געזעהן דאס גוטס ביי יעדן איד און מעורר געווען אידן מיט ליבשאפט און שמחה צו תשובה.

הרה"ק ר' אהרן מבעלזא זי"ע, האט נאכגעזאגט פון זיין טאטן הרה"ק ר' ישכר דוב זי"ע, בזה"ל "דער אייבערשטער האט גענומען א שטיק פייער איינגעהילט אין א פעלץ, און געמאכט דערפון א אפטער רב!".

הרה"ק בעל דברי חיים מצאנז זי"ע, האט געזאגט בזה"ל "יעדער יוד איז מחויב צו פארזעצען דעם ספאדיק און קויפן א ספר אוהב ישראל".

הרה"ק רבי משה מסאווראן זי"ע, האט געזאגט אז די יארן וואס די רבי מאפטא האט מאריך ימים געווען 10 יאר מער ווי אלע צדיקים פון זיין חבורה, איז ער אין די 10 יאר אנגעקומען צו אלע מדרגות פונעם הייליגע רבי אלימלך זי"ע.

ער איז געווען א גאון אדיר, 

שר התורה כאחד מן הראשונים, אויך איז ער געווען א בעל מקובל גדול. 

אויך איז ער געווען מפורסם מיט זיין געוואלדיגע מידה פון צדקה וחסד, און א געוואלדיגע אוהב ישראל.


די אייניקעל הרה"ק ר' משולם זושא מזינקוב זי"ע האט געשריבען אונעם הקדמה פונעם ספר אוהב ישראל בזה"ל: 

״יען כי הוי מרגלא בפומי רבינו אשר במדה זאת יוכל להתפארה אפי' לפני בי"ד של מעלה, 

אשר אהבת ישראל תקועה בלבו, ומפני רוב חכמתו וקדושתו היו מכנים אותו בלשון חיבה "דער פוילישער חכם". 

הרה"ק ר' חנוך העניך מסאסוב זי"ע, האט געזאגט אז דער הייליגער אוהב ישראל האט אזויפיל מתפלל געווען צום באשעפער, ביז ער האט זוכה געווען אז ער האט נישט געקענט זעהן קיין שלעכטס אויף א איד.  

אין די יונגע יארן איז ער געווען רב אין שטאט קלבסוב, און שפעטער אין שטאט אפטא, 

און שפעטער אין די שטאט יאס, סוף ימיו איז ער געווען רב אין שטאט מעזיבוז.

ער האט געהאט גאר גרויסע תלמידים: 

הרה"ק רבי ישכר בער מראדושיץ זי"ע,

הרה"ק רבי אשר ישעיה רובין מראפשיץ זי"ע,

הרה"ק רבי שמואל מקאמינקא זי"ע,

הרה"ק רבי חיים מאיר יחיאל שפירא ממוגלניצא זי"ע,

הרה"ק רבי משה צבי מסאווראן זי"ע,

הרה"ק בעל בני יששכר זי"ע,

הרה"ק בעל ישמח משה זי"ע,

הרה"ק רבי יצחק אייזיק ספרין מקאמארנא זי"ע. 

מען זאגט אז איינמאל איז ביים רבין איינגעשטאנען די צוויי צדיקים הרה"ק ר' לוי יצחק מבארדיטשוב בעל קדושת לוי זי"ע, און הרה"ק ר' משה לייב מסאסוב זי"ע, און זיי האבן דאן געברענגט דעם רבין צום הייליגען רבי ר׳ אלימלך זי"ע, 

און ער איז שוין פארבליבען א תלמיד מובהק פון רבי ר׳ אלימלך זי"ע. 

רבי ר׳ אלימלך מליזענסק זי"ע, האט געזאגט אויפן רבין בזה"ל "תנו כבוד לר' אברהם יהושע העשיל, דיש לו אהבת ישראל כמו "אברהם אבינו ע"ה" 

מראהו "כיהושע בן נון" וראשו חריף גדול בתורה כזקנו הרבי ר' העשיל בעל חנוכת התורה זי"ע. 

ער איז געווען א תלמיד מובהק פון: 

הרה"ק רבי אלימלך מליזענסק זי"ע,

והרה"ק רבי יחיאל מיכל המגיד מזלאטשוב זי"ע.  

עס איז באקאנט אז פאר די פטירה פון זיין רבי הרה"ק רבי ר׳ אלימלך מליזענסק זי"ע, 

האט זיין רבי סומך געווען זיינע הייליגע הענט אויף זיינע תלמידים, און פאר די פיר גרויסע תלמידים האט ער איבער געגעבן זיינע כוחות. 

הרה"ק החוזה מלובלין זי"ע, האט באקומען זיינע הייליגע אויגן,

הרה"ק המגיד מקוזניץ זי"ע, האט באקומען זיין הייליגע הארץ,

הרה"ק רבי מענדל מרימנוב זי"ע, האט באקומען זיין כוח הנשמה שבמוחו,

הרה"ק רבי אברהם יהושע העשיל מאפטא זי"ע, האט באקומען זיין גרויסע כח פון זיין הייליגע מויל. 

ער האט איבער געלאזט פאר די וועלט זיינע הייליגע ספרים, ספר אוהב ישראל, ספר תורת אמת, בדרך פרד"ס על תנ"ך והגדה של פסח, ספר שפתי צדיק. 

ער האט איבער געלאזט זיינע הייליגע קינדער.  

הרה"ק רבי יצחק מאיר מזינקוב זי"ע,

הרה"ק רבי יוסף משה ממז'יבוז זי"ע,

חתנו, הרה"ק רבי דן מראדוויל זי"ע,

חתנו, הרה"ק רבי ישראל מליטשניץ זי"ע,

חתנו, הרה"ק רבי מרדכי אורנשטיין זי"ע. 

פאר די הסתלקות האט די רבי געבעטען מען זאל אים ברענגען אביסל איינגימאכץ מיט אביסל וואסער און ער האט געמאכט א שהכל און געזאגט אז דאס האט ער געטון צו ווייזן פאר די בי"ד של מעלה אז ער האט אויף די וועלט נישט הנאה געהאט פון עולם הזה. 

און יעצט ווען ער פארלאזט שוין די וועלט האט ער שוין נישט מורא פון קיין עולם הזה זאכן. 

אויך האט די רבי געזאגט פאר די פטירה, אז ווער עס וועט צינדן א ליכט אדער טון סיי וואסערע גוטע זאך לטובת נשמתו, וועל איך אים א טובה טאן.

אויך האט ער געזאגט, ״רבונו של עולם און די פינסטערע טעג אין גלות ווען א איד זאגט שמע ישראל זאל ער זיין ביי דיר ווי א צדיק גמור״.  

אויך האט ער אנגעזאגט אז מען זאל בשום אופן נישט שרייבען קיין שבחים אויף זיין מצבה אויסער אז ער איז געווען א אוהב ישראל. 

נסתלק לגנזי מרומים ה' ניסן תקפ"ה.

ומנוחתו כבוד איז אונעם ביה"ח אין מעזיבוז אין אוקראינה אונעם זעלבן אוהל פונעם הייליגען בעש"ט הקדוש זי"ע.


דער אפטא רב איז איינמאל געפארן אין א שטאט און צוויי עשירים פונעם שטאט האבן אנגעגרייט א אכסניה, האט מען געפרעגט דעם אפטער רב צו וועלכע ער וויל גיין.  

איינס איז געווען א מענטש וואס איז געווען א גאר צוגעלאזענע מענטש אבער איז נישט געווען אזוי פרום אבער האט געוויסט אז ער קען זיך אויפירען מער ערליך. 

די צווייטע איז געווען א שיינער איד וואס איז געווען ערליך אבער האט פון זיך געהאלטן גאר אסאך. 

האט דער אפטער רב געזאגט אז ער וויל גיין צום ערשטען וואס איז נישט אזוי פרום אבער געוויסט אז ער קען זיך אויפירען מער ערליך. 

ווען מען האט איo געפרעגט פארוואס ער האט געמאכט דעם החלטה, האט ער געזאגט. 

דער הייליגער באשעפער אליין קען נישט וואוינען ביי א בעל גאוה ווי די גמרא זאגט 

"אין אני והוא יכולין לדור" 

און אויב דער הייליגער באשעפער קען דארט נישט וואוינען קען איך זיכער נישט דארט גיין. 

אבער דער צווייטער ווייסט ווי ער האלט אין אידישקייט און אז ער דארף זיך פארבעסערן, 

און אויף דעם זאגט דאך די פסוק "הַשֹּׁכֵן אִתָּם בְּתוֹךְ טֻמְאֹתָם" קומט אויס אויב דער באשעפער קען דארט רוהען קען איך אויך דארט זיין.

הרה"ק משינאווא זי"ע, האט געזאגט בשם פונעם אפטא רב זי"ע, 

אז א סגולה פאר פרנסה איז לערנען שער הבטחון מספר חובות הלבבות.

אין ספר אוצר ישראל ווערט געברענגט אז ווען דער הייליגער קאזניצער מגיד זי"ע, איז אמאל געווען אין אפטא אויף די יארצייט פון זיין טאטע וועלכער ליגט אין אפטא, איז דער גאנצע שטאט געקומען צו לויפן צום גאסט מיט קוויטלעך און בקשות.

ווען דער אפטער רב זי"ע איז געקומען באזוכען דעם גאסט דער קאשניצער מגיד וועלכער איז געליגען אין בעט צוליב זיין שוואכקייט,

האט זיך דער אפטער רב אנגערופען "יעצט האט מען גארנישט אינזין נאר יעדער לויפט צום צדיק וואס איז געקומען אלס גאסט". 

שפעטער זענען זיי געגאנגען דאווענען צוזאמען, נאכן דאווענען האט מען געפראוועט א סעודה לכבוד'ן גאסט. 

אינמיטן די סעודה האט זיך דער מגיד אנגערופען פאר'ן אפטער רב "דאכט זיך מיר אז איך האב היינט געזעהן אדם הראשון אין בית המדרש ווי ער רעדט צו אייך".

דערויף האט דער אפטער רב זי"ע גענטפערט, ווען איך האב אנגעטוהן טלית ותפילין און איר זענט נאכנישט געווען אין ביהמ"ד, איז מיר איינגעפאלען א געדאנק וויאזוי צו פארענטפערן אדם הראשון, דעריבער איז ער געקומען אפגעבן א יישר כח.

דער הייליגער אפטער רב זי"ע האט געזאגט אז ווען א איד זאגט די ווערטער אשר גאלנו וגאל את אבותינו פסח ביינאכט און ער גלייבט מיט אמונה שלימה, קען ער שוין אויסגעלייזט ווערן פון אלע זיינע פריוואטע גלות'ן, סיי גאולת הנפש און סיי גאולת הגוף, 

ווייל פסח ביינאכט איז דער זמן הגאולה.

מעשה ב.

בטחון:

אין די צייט פון הייליגען אפטער רב זי"ע האבן מענטשן גערעדט אז עס איז דא א קרעטשמער וואס זיצט א גאנצע טאג אין קרעטשמע, און פארקויפט וויין און ברוינפן פאר די שיכורים, 

און איז אויך א "בעל מופת", אלעס וואס ער וואונטשט אן ווערט מקוים, מענטשן האבן אנגעהויבן צו קומען צו אים פאר ברכות. 

ווען דער אפטער רב האט עס געהערט האט ער זייער מורא געהאט אויב אפשר זענען זיינע כוחות פון די טומאה וכדומה ד' ירחם. 

דערפאר איז ער אראפגעפארן צו יענעם דארף, כדי צו זעהן וויאזוי ער פירט זיך אויף.

דער אפטער רב איז ביי אים איינגעשטאנען צוויי טעג, 

און האט נישט געזען ביי אים קיין שום באזונדערס. 

ער איז נישט קיין "למדן", ער דאוונט ווי א פשוטער איד, 

און פארקויפט ברוינפן. 

אבער ער האט דאך נישט געזען ביי אים קיין סימנים פוו די סטרא אחרא. 

האט אים דער אפטער רב אריין גערופען אין א באזונדערע שטוב, און אים געזאגט: 

זאלסט וויסן אז איך בין דער אפטער רב, איך בין געקומען זעהן אין וואס פאר א זכות דו האסט זוכה געווען אז דיינע ברכות ווערן מקוים, אויב דו וועסט מיר זאגן איז גוט, און אז נישט וועסטו חרטה האבן.

האט דער איד געענטפערט: 

דער רבי זאל וויסן אז פון שטענדיג אן האב איך געהאט "בטחון" אין השי"ת, און איך האב מיך נישט געזארגט אויף קיין שום זאך. 

איין מאל האב איך פארלוירן מיין גאנץ פארמעגן, און איך בין געבליבן אן א פרוטה אז איך האב נישט געקענט מער פארקויפן קיין ברוינפן. 

האט מיין ווייב מיך געמוטשעט איך זאל גיין זוכען א שותף וואס קען איינלייגן דאס געלט, און אז דער באשעפער וועט העלפען וועט דאס געשעפט בליען, 

און עס וועט זיין גענוג פאר צוויי שותפים.

איך האב איר אבער אפגעשטיפט, ביז איין טאג האט זי ביטערליך געוויינט אן א אויפהער, אז עס קען אזוי ווייטער נישט גיין, די קינדער ליידן הונגער, שוין עטליכע טעג וואס זיי האבן נישט געגעסן, איך מוז נאך היינט טרעפן א שותף. 

האב איך איר געפאלגט, און איך בין ארויס אויסער די שטאט און געזאגט: 

רבונו של עולם, איך וויל נישט האבן א מענטש פאר א שותף, איך וועל דיך באשעפער נעמען פאר א שותף, איך זאג דיר צו אז וויפיל איך וועל פארדינען וועל איך דיר געבן העלפט.

איך בין אהיים געקומען און געזאגט פאר מיין ווייב, אז איך האב געטראפן א רייכען שותף. איך האב אנגעהויבן צו ארבעטען און עס איז אריין געקומען אן אויסער געווענטליכע ברכה, 

איך האב זייער שיין פארדינט, 

און איך האלט טאקע ווארט! 

יעדע וואך צוטייל איך דאס געלט פונקטליך העלפט אויף העלפט, מיין העלפט נעם איך פאר מיר, און מיין שותף'ס העלפט גיב איך פאר "צדקה"...! 

די קרעטשמע איז א שותפות מיטן באשעפער, דערפאר שטיי איך אליין אינעם געשעפט פון אינדערפרי ביז ביינאכט, און איך לייג ערליך אוועק דאס געלט כדי מיר זאלן זיך פונקטליך צוטיילן. לעצטענס האבן מענטשן אנגעהויבן צו בעטן ביי מיר ברכות, איך וואונטש זיי אן און עס ווערט מקוים.

ווען דער אפטער רב האט דאס געהערט, האט ער אים געגעבן א קוש אויפן שטערן, און געזאגט: 

וואויל איז דיר און וואויל איז דיין חלק, אזעלכע אידן זאלן זיך מערן אויף דער וועלט.

עס קומט דיר טאקע אז דיינע ברכות זאלן מקוים ווערן ווייל די הלכה איז, אז וואס איין שותף האט געטוהן קען דער צווייטער שותף שוין נישט צוריקציען, דערפאר, וואס דו וואונטשט אן מוז דיין שותף [השי"ת] מקיים זיין.


מעשה ג.

צום אפטער רב זי"ע איז געקומען א איד וואס האט געליטן פון "מרה שחורה" רח"ל, 

און געבעטן אז דער רבי זאל אים געבן א רפואה דערפאר. 

האט דער אפטער רב זי"ע אים געהייסן ער זאל אריין קוקן אין די חנוכה לעכט, ער האט טאקע אזוי געטאן, ער האט זיך גוט איינגעקוקט אין די ליכט ביז ער איז מיד געווארן און איז איינגעשלאפן. 

אינדערפרי איז ער אויפגעשטאנען לוסטיג לעבעדיג, געזונט און שטארק.

דער הייליגער אפטער רב האט דערציילט: 

איינמאל איז דער רבי ר' אלימלך זי"ע, איינגעשטאנען ביי מיר און איך האב אים באשטימט א באזונדערען צומער, איינמאל האב איך געזעהן ווי ער מאכט זיך א חשבון צו ער איז ראוי לעולם הבא און ער האט זיך אויסגעשמועסט. 

נפשי נפשי דו ביזט נישט ראוי צו קיין עולם הבא, און ער האט דערביי אויסגערעכנט יעדע עבירה וואס ער האט געטראפען אויף זיך.

נאכדעם האט ער זיך געטרייסט אפילו דו ביסט נישט ראוי אבער הקב"ה מיט זיין גרויס גענאדע וועט דיר צוטיילן א טייל אויף יענער וועלט, אונזערע רבי'ס האבן דאך געזאגט "הקב"ה קיים כל התורה וכו' 

ניחם אבלים, ועשה שושבינות, וגומלי צדקה",. 

אויף יענער וועלט וואו ס'איז נישט דא קיין עסן און קיין טרונקען וואס פאר א צדקה איז דען שייך, נאר דער אויבערשטער וועט טוהן צדקה מיט די וועלכע זענען נישט ראוי לעולם הבא, 

זיי געבן עולם הבא בתורת צדקה!

הרה"ק מאפטא זי"ע, פלעגט וואונטשען ביי די נייע יאר פון די אומות העולם.

"דער אייבערשטער זאל העלפן אז פון יעצט און ווייטער זאלן אידישע קינדער האבן א גוט יאר".

ווייל אויב ח"ו עס איז געווען א קטרוג ביי ראש השנה, זאל דער הייליגער באשעפער קוקען ווי אזוי די גוים פירען זיך אויף ביי זייער חגאות, און דערפאר זאל ער ברענגען א גוט יאר. 

און ער פלעגט זאגן אויף די ווערטער "ולא יצטרכו עמך בית ישראל זה לזה ולא לעם אחר" אז די אידישע קינדער זאלן האבן זכותים און נישט דארפן צוקומען אז מען זאל אויף זיי דארפן קוקען אז זיי זענען בעסער ווי עם אחר.

"החודש אשר ישועות בו מקיפות", זאגט דער אפטער רב זי"ע אז דער ווארט "מקיפות" איז א לשון פון בארגן, אז השי"ת טוט אונז אויס בארגן ישועות. 

דער הייליגער אפטער רב זי"ע האט איין טאג פארציילט פאר זיינע תלמידים וואס עס האט זיך היינט אפגעטון אויף יענע וועלט. 

א איד איז געקומען צום בית דין של מעלה און מען האט געברענגט די מצות ומעשים טובים און אויך די עבירות, 

און מען האט אויך געברענגט די יסורים וואס דער איד האט מיטגעמאכט אויף די וועלט און די וואגשהאל האט טאקע איבער געוואויגען לכף זכות. 

איז אבער געקומען א מקטרוג און געזאגט אז דער איד האט טאקע געהאט יסורים אבער ער האט די יסורים קיינמאל נישט מקבל געווען באהבה, און דערפאר קומט זיך אים נישט קיין זכות דערפאר, און ליידער האט מען טאקע גע'פסק'נט לכף חובה. 

האט דער הייליגער אפטער רב זי"ע, אויסגעפירט א איד דארף אייביג געדענקען מקבל צו זיין די יסורים באהבה און זאגן די פסוק "רְאֵ֣ה עׇ֭נְיִי וַעֲמָלִ֑י, וְ֝שָׂ֗א לְכׇל־חַטֹּאותָֽי׃" 

און דורך דעם ווערט עס גערעכנט צווישען די מצות וואס א איד האט געטון אויף די וועלט.



מעשה ד.

דער הייליגער אפטער רב זי"ע, האט געהאט אסאך צוגעלייגטע חימרות אונעם יו"ט פסח, און אויף די עלטערע יארן איז אים געווען גאר שווער צו האלטן אלע חימרות, און ער האט מורא געהאט אז מיט די שוועריקייטן קען עס ברענגען צו כעס, האט ער זיך דאן מתיר נדר געווען אויף די צוגעלייגטע חימרות.

הרה"ק מסלאנים זי"ע האט פארציילט א מעשה און געזאגט אז עס איז א מצוה דאס צו דערציילען:

א איד א גרויסע חסיד פונעם הייליגען אפטא רב זי"ע, 

האט געהאט קינדער וואס זענען געבענטשט געווארן מיט גאר שיינע שטימע'ס, און ווען ער פלעגט קומען צום אפטער רב פלעגט דע רבי מכבד זיין די קינדער צו זינגען און דער בי האט זייער הנאה געהאט פון זיי.  

איינמאל איז דער איד געקומען צום אפטער רב און דער רבי האט זיך פון אים און די קינדער בכלל נישט וויסענדיג געמאכט, דער איד האט געהאט א געוואלדיגע חלישת הדעת, 

איז ער אריין צום רבין און געפרעגט וואס גייט פאר. 

האט דער הייליגער אפטא רב געפרגט דעם איד ווי ביסטו לעצטנס געווען, האט דער איד פארציילט אז ער האט געברויכט גיין צום פריץ פאר עפעס א ענין, און די קינדער זענען געווען מיט אים, און ווען ער איז געווען ביים פריץ זענען די קינדער געווען אין שטוב פונעם פריץ און דארט זענען געווען גוי'שע ביכלעך און די קינדער האבן דאס געקוקט, האט דער הייליגער אפטער רב געזאגט איך האב די קינדער נישט געקענט קוקען אין פנים!

דער הייליגער אפטא רב האט געוואוינט אין שטאט יאס וואס דאס איז געווען אין רומעניע, 

און ער האט זיך דארט אסאך אפגעליטען פון די תושבי העיר, ווען ער איז אוועק פונעם שטאט האט ער געוואלט זאגן אויף די שטאט שווערע ווערטער, 

אבער ער האט זיך בארעכענט און געזאגט אז ער זעהט אז בעפאר משיח וועט קומען וועט זיין שווערע צייטן, און די שטאט וועט זיין א עיר המקלט פאר אידן האט ער די שטאט נישט געשאלטן ח"ו. 

יארן שפעטער ביי די צווייטע וועלט מלחמה האט מען אין גאנץ אירופה געליטן פון די דייטשן ימ"ש, אבער דארט אין שטאט יאס וואס איז געווען אין רומעניע זענען די רשעים נישט אנגעקומען און רוב אידן וואס זענען דארט אנגעקומען זענען געראטעוועט געווארן, און אידן דארט אין שטאט האבן געוויסט פון דעם ברכה פונעם אפטא רב זי"ע, און אויף דעם האט מען זיך טאקע דאן פארלאזט.

צום הייליגען אפטא רב זי"ע איז געקומען א איד וואס האט ליידער נישט זוכה געווען צו קיין זש"ק, און ער איז געקומען פאר א ברכה און די ישועה איז נישט געקומען, האט די ווייב געזאגט אז זי וויל גיין צום רבין. 

ווען זיי זענען אריינגעקומען צום רבין האט די רבי געזאגט אז איך האב שוין געגעבן א ברכה און פארוואס גלייבט עטץ נישט אז די ישועה וועט קומען, עס שטייט דאך אין פסוק ויאמינו בה' ובמשה עבדו און מען דארף האבן אמונה. 

האט די פרוי געזאגט פארן רבין עס שטייט טאקע ויאמינו בה' ובמשה עבדו, אבער בעפאר דעם שטייט ויושע ה' אז מען האט שוין געזעהן ווי די ישועה קומט און דערנאך שטייט ויאמינו בה' ובמשה עבדו. 

האט דער הייליגער רבי געזאגט עס שטייט און משנה אבות ביים בית המקדש "ולא הפילה אשה מריח בשר הקודש" און איך בין געווען איינמאל א כהן גדול, און טאקע צום יאר זענען זיין געהאלפן געווארן מיט א קינד.


מתורתו של רבינו זי"ע.

יכול מר"ח ת"ל בעבור זה וגו' שיש מצה ומרור מונחים לפניך גו'. 

הנה באמת אף אם התינוק שואל את האב שאלה זו בשאר ימות השנה אז יכול האב ג"כ להשיב להבן כפי הכתוב בתורה, 

אך דהתוה"ק מורה לנו דכל ימות השנה אף אם יאמר להבן הסיפור יציאת מצרים לא יהיו אז הדברים מתיישבים בלבו ולא יכנסו באזניו כי זה תלוי באמונת הלב ולאו כל מוחא סביל דא. 

וזה"ש לנו התורה בעבור זה ודרש בעל ההגדה לא אמרתי אלא בשעה שישמצה ומרור מונחים לפניך. 

ר"ל בליל פסח שאז מתגלין הארת המוחין אשר רומזין לזה המצה והמרור ובזו הלילה מתגלה אור השכל והאמונה וחופף בלילה הזה ע"כ זרע ישראל, ואז כשתשיב לבנך תשובה זו ותגיד לפניו כל הסיפור הלז אז בודאי יכנסו דברי האב באזני הבן ויאמין באמת ביצמ"צ. 

משא"כ בשאר ימות השנה שאז החשכות גובר בעולם עי"ז לא יוכל הבן לקבל דברי אביו ולהאמין בהם. 

ויה"ר שיקוים בנו ב"ב כימי צאתך מאמ"צ אראנו נפלאות אמן: (אוהב ישראל)

לערן א משנה און צינד אן ליכט לעילו נשמת: 

הרה"ק רבי אברהם יהושע העשיל ב"ר שמואל זי"ע 

די זכות פונעם צדיק 

וועט זיכער מיגן זיין.

אֵין פּוֹחֲתִין לָעֲנִיִּים בַּגֹּרֶן מֵחֲצִי קַב חִטִּים וְקַב שְׂעוֹרִים. 

רַבִּי מֵאִיר אוֹמֵר, חֲצִי קַב. 

קַב וָחֵצִי כֻסְּמִין, וְקַב גְּרוֹגָרוֹת, 

אוֹ מָנֶה דְּבֵלָה. 

רַבִּי עֲקִיבָא אוֹמֵר, פְּרָס. 

חֲצִי לֹג יָיִן. רַבִּי עֲקִיבָא אוֹמֵר, רְבִיעִית. רְבִיעִית שֶׁמֶן. 

רַבִּי עֲקִיבָא אוֹמֵר, שְׁמִינִית. 

וּשְׁאָר כָּל הַפֵּרוֹת, אָמַר אַבָּא שָׁאוּל, כְּדֵי שֶׁיִּמְכְּרֵם וְיִקַּח בָּהֶם מְזוֹן שְׁתֵּי סְעֻדּוֹת:


צו זעהן יעדן טאג א שיינע באשרייבונג אין אידיש פון א יארצייט פון א צדיק, 

דרוקט דא 

https://chat.whatsapp.com/FgBA9sHhLTn8S8WNHIQo2d


דרוקט דא צו שיקן א קוויטל צום הייליגן אפטא רב 

https://ahblicklive.com/charity/apta