גדולה מיתת צדיקים כשריפת בית אלוקינו.

כלל ישראל איז שרוי בצער, מיט די פטירה פון איינס פון די אריות שבחבורה, פון די גרעסטע וואס אונזער דור יתום האט במתנה של מעלה באקומען, הרהגה"צ כ"ק אדמו"ר מקרעטשניף סיגעט זצוקללה"ה.

דער רבי איז פרייטאג געגאנגען דאווענען מנחה אין זיין בית המדרש אויף רחוב רפפורט אין שכונת בית ישראל ירושלים, ווען פלוצלינג איז ער צוזאם געפאלן פארנט פון זיינע חסידים.

דער רבי איז אין איילעניש אפגעפירט געווארן צום שערי צדק שפיטאל וואו די דאקטוירים האבן באשטעטיגט אז דער רבי האט געליטן פון א שווערע סטראוק ל"ע.

כלל ישראל פון אלע עקן וועלט האבן אריינגעריסן וועלטן און אינעם בית המדרש פונעם רבי'ן זענען מניני תהילים פארגעקומען פיר און צוואנציג שעה רונדע דעם זייגער. 

ליידער זענען אבער די שערי שמים פארמאכט געווען און דער רבי האט איבערגעלאזט אונזער עולם השקר און ארויף צום עולם האמת אין עלטער פון דריי און זיבעציג יאר.

אבלים אנו ואין לנו מנחם.

יתומים היינו ואין אב.

אבידה הוא שאין לה תמורה.

שנשמע ונשבשר בשורות טובות.