גרויסארטיגע מלוה מלכה ומסיבת הכרת הטוב איז געפראוועט געווארן אויף א באשיידענעם פארנעם דעם פארגאנגענעם מוצאי שבת לך לך אין ביהמ"ד נמיזשא פאר די געטרייע 'כפים-גרויסע ברודער וואלאנטירן', ווי עס האבן אויפגעטרעטן א רייע בעלי דרשנים ארויסצוהייבן די געוואלדיגע פעולות פון כפים, ווי אויך האבן אויפגעטרעטן חשובע מומחים ווי די אינגעלייט האבן באקומען וויכטיגע אינפארמאציע ווי אזוי זיך צו באגיין אין סענסעטיווע פעלער צו קענען העלפן אומצאליגע משפחות בצר להם.

תושבי וויליאמסבורג קוקן ארויס אויף די שטארקע אנטוויקלונגען פון די 'כפים-גרויסע ברודער דעוויזיע' וואס ברענגט אריין א נייע באדייט אין די פילצאליגע פעולות פון כפים, זייענדיג א רוקן ביין פאר חולי ישראל און זייערע משפחות. וויליאמסבורג גראטאלירט די חשובע וואלאנטירן: "תחזקו ידכם בעבודת הקודש".