*ושמרתם את המצות*

*ויהי ביום השני* - א קורצע באריכט פון קארליפאניע וואו די חשובע עוסקים במלאכת הקודש, אינאיינעם מיט די משגיחים אין שפיץ פונעם רב המכשיר שליט''א, זענען עוסק אין די *קצירת חיטים פאר די טויזנטער פונט מצות שמורה פונעם קומענדיגן פסח שנת תשפ''ה הבעל''ט,* פאר די מהודר'דיגע בעקעריי פון  קהל יטב לב דסאטמאר.

זונטאג פרשת נשא במשכ'ן טאג, אנגעהויבן פון חצות היום, האבן די משגיחים אפגעשניטן 18 טרעילארס ווייץ*, וואס אנטהאלט *צוויי ערליי ווייץ* פון צוויי באזונדערע פלעצער, די ווייסע און די רויטע. די רבנים האבן עטליכע מאל איבערגעקוקט טויזנטער ווייצלעך, ווי דער סדר איז אז *מ'קוקט איבער עטליכע מאל פארן שניידן און אזוי אויך אינמיטן שניידן, און פון אלע זייטן פעלד*, און אפגעגעבן א שבח והודאה צום אייבערשטן אויף די הערליכע ווייץ שניט, *נישט טרעפנדיג קיין איין מצומח אדער מבוקע*.  

כ״ק אדמו"ר מסאטמאר שליט״א איז געווען פארבינדן אויפ'ן טעלעפאן און מיטגעהאלטן דאס ווייץ שניידן, און מתפלל געווען אויף די הצלחה. *זאגנדיג אז מענטשן ווייסן נישט וואספארא עבודה גייט אריין אין די מצות עשה דאורייתא פון אכילת מצה*, און וואספארא עבודה קשה דאס באדייט ביז מ'האט פערטיגע מהודר'דיגע מצות אין די האנט, און די זהירות און חומרות וואס מ'לייגט אריין שוין חדשים פריער ביים שניידן, ווי *מ'לאזט זיך קאסטן שווערע שווערע אלפים אז ס'זאל טאקע זיין די ריכטיגע שמורה משעת קצירה.*

 *מאנטאג צופרי* אין די פארטאגס שעות זענען די חשובע משגיחים אריבער צו די פלאץ ווי מ'לייגט אריין די ווייץ און מ'האט פאר לאנגע שעות אויסגערייניגט אלע מאשינען און אויסגעזויבערט די פלאץ, און *מ'האט אנגעהויבן אוועק צו לייגן די טויזענטער זעק ווייץ וואס מ'האט אפגעשניטן נעכטן במשך די טאג*, און די משגיחים שטיין דערויף פון אנהויב ביזן סוף ס'זאל טאקע זיין ריכטיג שמורה.

נעכטן דינסטאג  ביי חצות היום אין קאליפארניע זענען די חשובע עוסקים במלאכת הקודש אריבער צו די פעלדער, *וואו מ'האט בעזהשי''ת באוויזן אפצושניידן אין לויף פונעם טאג נאך איבער 20 טרעילארס ווייץ*. (דער זייגער דארט איז גערוקט מיט דריי שעה פון ניו יארק.)

פון די הנהלת בית האופה קומט אריין די נייעס, אז מען גרייט זיך שוין אצינד *תיכף נאך שבועות הבעל''ט אנצוהויבן די אפיית המצות אין די בעקערי*, צוליב דער גרויסער פארלאנג צו קענען נאכקומען די געברויך פון די טויזענטער קאסטומערב שיחיו.

*כאשר זכינו לסדר אותו כן נזכה לעשותו!*