האדמו"ר מצאנז דערקלערט איסור זיך צו שטעלן אין מיליטער: נעכטן אויפדערנאכט ביים יארצייט טיש בחצה"ק צאנז האט האדמו"ר מצאנז אדרעסירט די פרישע גזירת הגיוס וואס נעמט ארום תושבי ארץ הקודש, דער רבי האט ארומגערעדט איבער די שווערע צייטן וואס גייט אריבער אויף תושבי ארה"ק, אנגעהויבן מיט די מלחמה זינט שמחת תורה, און אצינד מיט די שרעקליכע גזירת הגיוס. דער רבי האט געזאגט דאס וואס געזעצגעבער דא אין לאנד זענען ארויס אין מלחמה קעגן די לומדי תורה וואס באדייט אז זיי שטאמען זיכער פון די ערב רב פון וועם מען דארף שטיין ווייט אין יעדע צייט. דער רבי האט געזאגט אז די גדולי התורה ראשי הישיבות שליט"א, האבן שוין געזאגט זייער דעת תורה אז אצינד ווען עס איז א שעת השמד טאר מען זיך אויף קיין שום פאל נישט שטעלן אין מיליטער אפילו אויף צו באקומען א פטור, וויבאלד יעצט איז א מצב וואס פעלט זיך אויס מסירת נפש ממש. אויך האט דער רבי מייסד געווען א נייע קרן ארויסצוהעלפן די ישיבות און די כוללים וואס פארלירן אצינד א ריזן שטיצע פון די רעגירונג, און מחייב געווען יעדן חסיד צוועלף הונדערט שקל פאר דעם הייליגן צוועק.

קרעדיט: אידישע נייעס