עַטֶרֶ״ת יוֹאֵ״ל הָיוֹ יִהְיֶה לְבִּנְיַן גָּדוֹל וְעָצוּם!

ווי דער זומער האָט זיך אָנגעהויבן, שטייען תלמידי וחסידי סאטמאר געפלעפּט און ערשטוינט, מיטהאלטנדיג דעם היסטאָרישן הרחבת גבולי הקדושה פּראָיעקט וואס איז אַריין אין קראַפט ביים לעגענדאַרן ״בנין ת״ת עטרת יואל״ פון מוסדותינו הקדושים, כדי נאָכצוקומען דעם אומאויפהערליכן בליענדן וואוקס פון די וועלט׳ס גרעסטע מוסדות-נעץ, מוסדות סאטמאר וויליאמסבורג!

באלד נאך פסח האט מען שוין צוגעטרעטן צו די סאמע ערשטע שטאפלען פון די בוי-ארבעט, יעדע נאַכט שפּעט באישון לילה ווען די קינדער זענען נישט געווען אינעם בנין, צו באפעסטיגן די ביעמס פון אלע שטאקן מיט צעמענט. אָבער אַצינד צום אנהויב זומער, איז די אַרבעט אַריין אין אַ מאַסיווער גאַלאָפּ!

בו ביום ווען דער ציבור איז זיך צעפאָרן אין די קאָנטריס און די קינדער האָבן פאַרלאָזט דעם בנין האָט אַ מאַנסקראַפט פון צענדליגער עושי מלאכה אָקופּירט די געביידע, פאָרצוברייטן דעם דראַמאַטישן אַרויפצי פון נאך 3 פרישע שטאָקן וואס גייט אי״ה פאַרטאָפּלען דעם בנין, צו קענען אקאמאדירן נאָענט צו 1,000 פרישע קינדער כ״י!!

אין ערשטן שטאפּל האט מען ״דעמאַלישט״ דעם בארימטן ״עטרת אברהם״ זאַל, אין בלויז געציילטע טעג, צו קענען אָנדערפּינען דעם בילדינג צו דערהייבן די לאַסט פון 3 פרישע גיגאַנטישער שטאָק! די אַרבעט זעצט יעצט פאָר, אין בליצנדער גאַלאָפּ, צילנדיג צו ענדיגן ״דעם גאַנצן אָנדערפּינינג פּראָיעקט״ נאך אויף דעם זומער, כדי ווען די קינדער קומען צוריק פון קעמפּ זאָל מען קענען אי״ה צוריק אַריינגיין לערנען אינעם בנין ולא יבוטל התמיד!

מיט׳ן אויפבוי פון די דריי פרישע מאַסיווע שטאָקן, וועט אי״ה דער בנין זיין דער גרעסטער תלמוד תורה בנין פון מוסדות סאטמאר אין ברוקלין, באַשטייענדיג פון העכער צו 110,000 סקווער-פיס, העכער 70 קלאַסן, 3 גרויסע עס-זאַלן, 3 רחבות׳דיגע שפּיל-הויפן; א פּראכטפולע שמחה-זאַל; מיט העכער 100 כלי קודש וואס וועלן עוסק זיין במלאכת הקודש צווישן די זיבן ריזן שטאָקן פונעם בנין האדיר!

אין די זעלבע צייט איז די הנהלת המוסדות אריינגעשפרינגן אין אַ מאַסיווער קאמפּיין אויפצוטרייבן די מיליאנען דאלער וואס דער פראיעקט דארף אפּקאסטן, און אויספארקויפן אלע פרישע זכותים, קלאַסן, עס-זאלן, שערים, אא״וו, צו קענען פינאַנצירן די הייליגע אונטערנעמונג לבנות עתיד למען דורותינו אחרינו!

וְהָיִיתָ עֲטֶרֶת תִּפְאֶרֶת בְּיַד ה׳ וּצְנִיף מְלוּכָה!