יום ב' במדבר, אור ליום ער"ח סיון תשפ"ה איז פארגעקומען די גרויסארטיגע דיננער - גבולינו - אין אולם 'מסורת אבות' אויף Congress St. אין לייקוואוד, דער מעמד האט אוועקגעשטעלט די יסודות פון די נייע קרן הבנין פון די קהלה תולדות יהודה  אין לייקוואוד, וואס מען גייט אין די נאנטע טעג אנפאנגען בויען ביי די ווינקעל פון Madison Ave. און 14th St.

ביים מעמד האט אויפגעטרעטן איינער פון די ראשי הקהילה הרב שמעון אשכנזי הי"ו מיט די דבר המקח און מסביר געוועהן באריכות די פינאנציעלע חלק פון די געבוי מרישא ועד גמירא, אויך האט ער שטארק ארויסגעברענגט וואס מען בעהט יעצט די עולם זיך אונטערצונעמען.

דערנאך האט גערעדט הרה"ג ר' רפאל פאשקוס שליט"א אב"ד בית אלימלך בלייקוואוד מראשוני תלמידי כ"ק אדמו"ר מתולדות יהודה שליט"א מיט א פלאם פייערדיגע דרשה בענין חובת השעה ווייטער צו גיין מיט די מלאכת הקודש און מרחיב זיין די גבולי הקדושה.

דערנאך האט כ"ק אדמו"ר תולדות יהודה שליט"א אויפגעטרעטען און מסביר געוועהן וואס פאר א שיינע קהילה בליעט דא בעיר התורה לייקוואוד, און וויפיל עס טוהט אויף, גלייך נאכדעם איז די עולם אריבער חתמנ'ן שטרות מיט די רבי.