התיצבו - קהל שערי ציון ד'באבוב אין לינדען ניו דזשערסי אוועקגעשטעלט אויף פעסטע יסודות
![Main image for התיצבו - קהל שערי ציון ד'באבוב אין לינדען ניו דזשערסי אוועקגעשטעלט אויף פעסטע יסודות](new_ded_img/24/35/small/nT0tLCy0m03LquOhnhO/arNpkNu_wide_m.jpg)
התיצבו - אוועקגעשטעלט אויף פעסטע יסודות
די חרדישע גאס רעש'ט מיטן ערשטמאליגן אויפקום פון א היימישע ארגענעזאציע וואס האט זיך די וואך אהערגעשטעלט בתוך חסידי קהל באבוב אין די ניי אויפבליענדן שטאט לינדען ניו דזורסי, בנשיאות קדשו פון כ"ק מרן אדמו"ר מבאבוב שליט"א, וואס באצילט זיך מיטן אויסלערנען, אוועקשטעלן, באראטן, אין ווי אויך ציווייזן פאר יונגעלייט און בעלי בתים צוגלייך, וויאזוי צו פארשטיין און באהאנדלען פינאנציעלע אנגעלעגנהייטן און זיך סטאביל אהערשטעלן פארן עתיד, סיי דורך פערזענליכע בודשעטן, אדער שפארן געלט און אוועקלייגן געלט.
די הויכפונקט פונעם ארגענעזאציע איז טאקע געוועהן געצילט צו העלפן אוועקלייגן געלט אויף חתונה מאכן די קינדער וכדומה, דורך אריינלייגן חודש בחודשו אין גאר געטרויליכע אינוועסטמענט מארקעטס כדי עס זאל וואקסן במשך די יארן צו גאר גרויסע סכומים בעזרת השם יתברך.
די התיצבו אינוועסטמענטס זענען דעטאלירט געווארן אהערגעשטעלט דורך אן אויסגעטרויטענע וועג וואס מען האט אויסגעארבעט במשך די לעצטע חדשים מיט די גרעסטע אינוועסטירערס אינעם מארקעט.
די וואך איז פארגעקומען די גרויסארטיגן מעמד התיצבו ווי הונדרעטער בני הקהילה אין לינדען זענען זיך צוזאמענגעקומען בהיכל קהל חסידי באבוב, און געהערט פון די מומחים אליין וויאזוי זיך צו באגיין בדרכי כספים.
ביים מעמד האט מען געהערט דברי הקדמה פון הרב מענדל עליאס שליט"א, און ווי אויך דברי חיזוק פון הנגיד החסיד לבית באבוב הרב לייבוש לאנדא שליט"א וואס האט אנגעווארעמט די יונגעלייט צו גיין מחיל אל חיל מיט נאך יסודות ווי התיצבו, דערנאך האט מען געהעארט פונעם באקאנטן פינאנציעלע עקספערט מו"ה חיים יוסף גראס הי"ו וואס האט מדריך געוועהן די טייערע שומעים אין אלע פינאנציעלע דרכים, און אחרון חביב האט גערעדט די בארימטע ריז אין אינוועסטמענטס מו"ה אהרן האלבערשטאם הי"ו וואס האט געוויזן את הדרך אשר ילכו בה אין די וועלט פון אינוועסטמענטס דורך התיצבו.
די מעמד האט אפגעקלינגען מסוף העולם ווי די פילע יונגעלייט האבן שוין אנגעהויבן אוועקלייגן יעדן חודש במסגרת התיצבו, אין זיך פעסט אוועקשטעלן אויף שטארקע יסודות.
גאלערי