על כפי״ם ישאונך: דעם פארגאנגענעם זונטאג נאכט פ׳ בא האט א יום טוב׳דיגע לופט ארומגענומען עיה״ת לעיקוואד יצ״ו ווען די בארימטע "כפים" האט געעפענט די טויערן פון די נייע פולקאמע "כפים צענטער", וואס דאס איז א פולקאמע שפיל פלאץ ווי טייערע חשובע מחנכים און מחנכות נעמען ארויס די טייערע לעכטיגע קינדערלעך יעדן איינציגע טאג, פון די חשובע משפחות וואס ביי איינע פון זיי האט ליידער אנגעטראפן א מחלה ל״ע, און עס איז נישטא ווער עס זאל זיך אפגעבן מיט די קינדערלעך ווי עס דארף צו זיין, און די פולקאמע 'שפיל פלאץ' נעמט אריין גאר געשמאקע און אינהאלטסרייכע שפילערייען און אנדערע ענינים אויסצולופטערן די טייערע און חשובע קינדער׳ס מוחות וואס זענען נעבעך גענוג אנגעשטרענגט ליידער, טוען היימארבייט, עסן נאכטמאל וכדומה

ב״ה נאך גרויס מי און פלאג פון די טייערע עסקני "כפים" צו טרעפן די ריכטיגע און פאסיגע לאקאל, און מזכה צו זיין נדבי עמך בית ישראל מיט די ריזיגע פאנדן וואס נעמט אריין דאס צוצושטעלן אזא פלאץ, האט מען באשטימט אויף זונטאג פרשת בא די "מעמד קביעת מזוזה" פאר די הערליכע שיינע לאקאל אין צענטער פון שטאט במעמד פון די חשובע אדמור״י ורבני עיה״ת לעיקוואד יצ״ו

צום באשטומטן צייט זענען ערשינען די רבנים און צווישן זיי כ״ק אב״ד סקולען-לעיקוואד מאנסי שליט״א, אב״ד ראחמאסטריווקא-אוק און וויין שליט״א, הרה"ג ר' חיים מאיר ראטה שליט״א, הרה"ג דומ״ץ קלויזענבורג לעיקוואד שליט״א, הרה"ג ר' משה צבי דאנציגער שליט״א, הרה"ג ר' אברהם ישעי' פראנד שליט״א, הרה"ג ר' יושע געלבוואקס שליט״א, און נאך

יעדער באזונדער האבן ארויסגעברענגט רגשי לבביהם אז אזא פרוכטבארע און ריזיגע אידישע שטאט האט זוכה געווען צו אזא צדקה וחסד אפראט, און די געוואלדיגע זכיה וואס איז פאר די שטאט, און די געוואלדיגע זכות וואס וועט זיכער ביישטיין פאר אלע תומכים און עסקני המוסדות, צווישן די רבנים האט א חשובע רב געזאגט, מען קען נישט פארשטיין וואס זיי טוען צו עא משפחה אויב מען גייט דאס נישט אליין ארובער, און זיך אויסגעדריקט כל מיני ברכות פאר די אלע וואס העלפן ארויס בגוף אדער בממון

שפעט ביינאכט איז מען זיך צוגאנגען מיט פיל לויב און דאנק פארן בורא כל עולמים, עד הנה עזרנו רחמיך ה׳ אלקינו, ואל תטשנו ה׳ אלקינו לנצח, דער אויבערשטער זאל העלפן אז דאס זאל שוין מקרב זיין די גאולה בקרוב בב״א