האדמו"ר מסאטמאר האט היינט ביים טעגליכע תהילים שיעור בהיכל המתיבתא ארום גערעדט איבער די שווערע גזירת גיוס בארה"ק, און פאררופן א יום תפילה אלטוועלטליך די זעלבע טאג די זעלבע שעה אנשים נשים וטף, פון אלע שיכטן און קרייזן, מתפלל צו זיין להעביר את רוע הגזירה.

דער רבי האט פארגעלערנט די תהלים שיעור אויף קאפיטל כ"ב אז די ראשי תיבות איז די זעלבע ווי די ד' מינים, אתרוג לולב הדס ערבה, און דער רבי האט ארויסגעברענגט אז ביי די מעשה פון פורים האט אסתר געזאגט לך כנוס את כל היהודים, מ'האט צאם גענומען אלע סארטן אידן, אזוי ווי די ד' מינים וואס איז מרומז אויף אלע אידן, און יעצט אויך וועט מען צאם נעמען אלע אידן פון די גאנצע וועלט, דער רבי האט אויסגערעכנט וויליאמסבורג, בארא פארק, מאנסי, קרית יואל, לעיקוואד, מאנטריאל, לאס אנדזשעלעס, שיקאגא, קליוולאנד, באסטאן, לאנדאן, מאנטשעסטער, און סייווי עס וואוינען אידן. וועט מען מאכן צוזאמען א יום תפילה, יעצט אין די זומער וואכן איז אביסל שווער, אבער מ'וועט קובע זיין אויף נאך די זומער.

קרעדיט: אידישע נייעס