ביהמ"ד ברך משה ד'סאטמאר ב"פ קויפט אפ ריזיגער בנין אויף 13 עוו. און 42 סטריט
היינט דינסטאג נאכמיטאג יום ג' שנכפל בו כי טוב קומט די נייעס אז עסקני ביהמ"ד ברך משה ד'סאטמאר בארא פארק זענען בס"ד ובברכת הקודש פון כ"ק מרן אדמו"ר מסאטמאר שליט"א אריין אין קאנטראקט מרחיב צו זיין די גבולי הקדושה, אפקויפענדיג דעם נייעם הערליכען גיגאנטישן בנין אויף די דרייצען עוו. ביים ווינקל פון 42סט סטריט, פאר א נייעם פראכטפולן ביהמ"ד, וואס וועט אי"ה דינען אלס א תל תלפיות און מנינים צענטער פאר די גאנצע געגענט. ווי די עסקנים גיבן איבער האפט מען גאר אין נאנטן צו פארענדיגן דעם מקח און זיך אריינציען בשעה טובה ומוצלחת.
דער בנין מפואר באשטייט פון קרוב צו פינף טויזענט סקווער פוס יעדער שטאק, אויפ'ן ערשטן שטאק וועט געבויט ווערן דער גרויסן היכל ביהמ"ד, מיט 4 חדרי תפילה, און אויפ'ן אונטערשטן שטאק א גרויסע מקוה מפוארה, א בית הוראה און א ריזיגען היכל התורה וואס וועט דינען די גאנצע געגענט אלס א צענטער פון תורה עבודה און גמילות חסדים.
גאלערי