*ובכן מה נהדר הי׳ המראה!*

א גאר הערליכער און געהויבענער מעמד ״יציקת הבורות״ איז פארגעקומען די וואך   דינסטאג נאכמיטאג ביי די *מקוה המפוארה וואס ווערט געבויעט אינעם ביהמ״ד הגדול והחדש והמפואר דקהל יטב לב בלומינגראוו קרית יואל אויף מעריוואלד*, וואס איז אצינד הולכת ונבנית מיט גרויס פראכט אלס מגדל אדיר רם ונשא לשם ולתפארת.

אזוי אויך איז באותו מעמד פארגעקומען א מסיבת לחיים רבתי לכבוד דעם התמנות פונעם *נייעם דומ״ץ הביהמ״ד הרה״ג מורה ודאין רבי שמואל לייטנער שליט״א* וועלכער איז נתעלה ונתרומם געווארן דורך כ״ק אדמו"ר מסאטמאר שליט״א לעמוד לשרת בשם ה׳.

עס האבן זיך פארזאמלט הונדערטער תושבי השכונה און ס׳איז געווען א ספעציעלע צייט *אז די איינוואוינער זאלן זיך קענען אומקוקן אויף דעם גיגאנטישן בית נהדר מיט אלע שטאקן, און יעדער איז געווען נתפעל און איבערראשט סיי פון די גרויסקייט און סיי פון די פראכטפולקייט פון דעם 30,000 סקווער-פיס פעסטונג* וואס האט ממש נישט כדוגמתה, וגדול ואדיר יהי׳ כבוד הבית הזה.

נאך א געהויבענעם תפלת מנחה, די ערשטע תפלה אינעם נייעם בנין האדיר, האט מען מקבל געווען את *פני הקודש פון כ״ק  אדמו"ר מסאטמאר שליט״א ולידו הגה״צ האבד״ק סאטמאר קרית יואל  שליט״א*, און מען איז תיכף צוגעטרעטן צום מעמד יציקת הבורות. כ"ק אדמו"ר מסאטמאר שליט״א האט צום ערשט געגאסן צעמענט און דערביי אריינגעווארפן א שטיין פון בית מדרשו פון הרה"ק מסאטמאר זי״ע (נעפ מענשאן), ואחריו האבן די דיינים שליט״א וראשי ופני הקהלה און נדיבי עם ועסקני הקהלה* אויך געגאסן די יסודות המקוה.

תיכף דערנאך איז פארגעקומען דער פייערליכער *מעמד לחיים רבתי*, לרגל היציקת הבורות והתמנות הדומ״ץ שליט״א, אינעם *היכל הביהמ״ד הגדול* וואס איז געווארן הערליך איינגערישט פראוויזאריש לכבוד המאורע.

יושב ראש איז געווען א׳ מתושבי הישוב *מוה״ר שאול יודא מענדלאוויטש הי״ו*, וועלכער האט איבערגעגעבן א באריכט פון הצלחת הביהמ״ד און פונעם ערשטן שבת וואס דער נייער דיין האט געוויילט דא און מרומם געווען דעם גאנצן ציבור מיט די הערליכע דרשות ובכח תורתו.

דערנאך האט אויפגעטרעטן הרה״ג הדומ״ץ שליט״א מיט א הערליכע דרשה לכבוד המאורע ולכבוד הציבור; דערנאך האט מען געהערט דברי ברכה פון הגה״צ דער רב שליט״א ארויסהייבנדיג *בשבח המקום, ובשבח פונעם בונה ומקים הנגיד הרה״ח ר׳ אברהם בער יאקאבאוויטש הי״ו און במיוחד דער נייער דיין שליט״א אשר פקיע שמי׳ בכח תורתו וביראתו הקודמת לחכמתו* און אויפגעפאדערט דעם ציבור צוצושטיין צום דיין שליט״א להגדיל תורה ולהאדירה.

דאן האט מען געהאט די זכי׳ צו הערן דברות קודש פון כ״ק אדמו"ר מסאטמאר  שליט״א, וואו די רבי  שליט״א האט ארויסגעהויבן דאס התמנות פונעם *נייעם דיין שליט״א, אשר כבר איתמחי גברא מיט זיין כח התורה והוראה ומצא חן בעיני אלקים ואדם*, האיש אשר אבחר בו צו קענען מצליח זיין און מרומם זיין דעם קרן קרן התורה וההוראה. 

באזונדער האט דער סאטמארער רבי שליט״א מעלה געווען לשבח דעם בונה ומקים הרה״ח ר׳ אברהם בער הי״ו וואס האט שוין חזקה צו בויען בנינים כבירים לה׳ ולתורתו, ואיזה חכם הרואה את הנולד אז דא וועט דאך נאך אי״ה צוקומען אזויפיל תושבים בעז״ה אז ס׳זאל זיין א הערליכער ביהמ״ד רחבת ידים יעדער זאל קענען קובע מקום זיין לתורה ולתפלה בדרך התורה והמסורה לנו מדור דור.

נאך די דברות קודש האט די רבי שליט״א געטרונקען לחיים און ווארעם אנגעוואונטשן פאר הרה״ג הדומ״ץ שליט״א, פאר דעם בונה ומקים הרה״ח ר׳ אברהם בער הי״ו, און פאר אלע אנוועזנדע רבנים ואנשי שם, ותושבי השכונה, און דערנאך האט מען *יך ארויסגעלאזט אין א פייערליכן טאנץ ״אמר רבי עקיבא אשריכם ישראל״*, אפגעבנדיג א שבח והודי׳ לה׳ מיט א תפלה על העתיד ״בורא עולם בקנין השלם זה הבנין״!

די הונדערטער תושבי השכונה האבן ארויסגעשעפט *א אומגעהויערע שמחה חיזוק והתחזקות פון דעם געהויבענעם מעמד, ובפרט צוזעענדיג מיט די אויגן די אויסערגעווענליכע הרחבת גבולי הקדושה און דעם בנין האדיר והנהדר וואס ווערט אויפגעבויעט פאר זייער רוחניות׳דיגער עתיד*, אשר גדול ואדיר ומפואר יהי׳ כבוד הבית הזה, ורוח הקודש אומרת כן ירבה וכן יפרוץ!

*אשריכם ישראל! וילכו מחיל אל חיל!*