אויך דערציילט מיילעך א מעשה וואס ער האט אליין מיטגעהאלטן זייענדיג אין סיגעט ארבעטנדיג ביי ר׳ ישעי׳ שווארץ ני״ו 

א מאדערענע איד האט געבעטן מיילעך אז ער וויל אריינגיין צום רבין. האט אים מיילעך געזאגט אז ער זאל אים ביפן ווען ער איז אין די געגענט. וועט ער צוגיין מיט אים צום רבין. אזוי איז געווען דער איד האט אים געביפט און מיילעך איז אריבערגעגאנגען מיט אים צום רבין. 

דער רבי איז דאן געווען אין די הויז ווי הר״ר דוד דוב מייזליש שליט״א וואוינט היינט. דער רבי איז געזעצן אויפן גרויסן פארטש אינדרויסן. 

דער איד האט געברענגט א קינד פון 7-8 יאר אין א קערידזש. דאס קינד האט אויסגעזעהן פחדים נוראים אהן קיין האר דאס קינד האט נעבך געליטן פון יענע מחלה. מיילך איז צוגעגאנגען צום רבין און געזאגט אז דאס קינד דארף א ישועה. 

דער רבי איז דארט געזעצן מיטן טלית מיט די ציצית און עס געגעבן א שאקל צום קינד. דאס קינד האט אנגעהויבן צו קוקן, דאן האט די רבי אנגעהויבן דרייען מיט ציצית העכער דעם קינד, און דאס קינד האט פורבירט צו כאפן די ציצית אזוי האט זיך די רבי ארומגעשפילט מיט׳ן קינד . 

פלוצלינג איז געקומען א קליינע שווארצע הינטעלע און אויך אנגעהויבן שפרינגען צו כאפן די ציצית, דער רבי האט אנגעהויבן לאכן. דער רבי האט אויפגעהויבן די ציצית העכער און דאס הינטל האט אויך געטאנצען נאך העכער צו כאפן די ציצית, פלוצלינג האט די רבי אויפגעהערט און גענומען די ציצית צו זיך, איז דאס הינטל ארויפגעשפרינגען אויפן קערידזש ווי דאס קינד איז געזעצן. די מאמע האט זיך אזוי דערשראקן. און זי האט א קוויטש געגעבן. דאס הינטל האט זיך גענומען אוועק לויפן גראד אריין וואו די קארס פארן, עס איז געקומען א קאר און האט אים איבערגעפארן, האט זיך די רבי אנגערופן: ״ ער וועט מיטנעמען די גאנצע קרענק״- דאס קינד איז טאקע געזונט געווארן.