כאאס אין קאורט הויז: אן ארעסטאנט אין אוהייאו האט צובראכן זיינע הענדקאפס און געשלאגן צוויי פאליציאנטן
גאלערי
ווידעאס
ווילדע סצענעס אין געריכט זאל: ארעסטאנט רייסט איבער זיינע הענדקאפס, צעשלאגט פאליציי אפיצירן און פרובירט צו אנטלויפן
א קאלאמביאנא קאונטי קאורטהאוז האט זיך פארוואנדלט אין א פולשטענדיגע כאאס דעם מאנטאג, ווען א 20-יעריגער ארעסטאנט, טימאטי ריגעל, האט איבערגעריסן זיינע האנט-קייטלעך (הענדקאפס) און אנגעהויבן א ווילדע אטאקע אויף די דעפיוטיס וואס האבן אים ארויסגעפירט פונעם זאל.
בלויז עטליכע מאמענטן נאכדעם וואס דער דזשאדזש, סקאט וואשעם, האט אים פאראורטיילט צו 12 מאנאטן טורמע, האט ריגעל זיך באפרייט אין די קארידאר, זיך אויסגעדרייט און אראפגעשלאגן דעם אפיציר וואס האט אים באגלייט גראד צום פלאר. דערנאך איז ער ארויפגעפאלן אויף א צווייטן אפיציר און אים אויך אראפגעווארפן. ווידעא וואס איז ארויסגעגעבן געווארן דורך די שעריף'ס אפיס צייגט ווי דער ארעסטאנט לויפט מיט אן אימפעט דורכ'ן קאורטהאוז, גליטשט זיך אראפ די טרעפ, און יאגט זיך צו די הויפט טירן בשעת עטליכע דעפיוטיס לויפן אים נאך צו כאפן. ער האט שוין כמעט באוויזן ארויסצולויפן אינדרויסן, אבער איז אפגעשטעלט געווארן מיט א 'טעיזער' בלויז עטליכע טריט בעפאר די פרייהייט, און איז צוריק ארעסטירט געווארן.
ביידע דעפיוטיס זענען אפגעפירט געווארן אין שפיטאל מיט געבראכענע ביינער פון די געשלעג, אבער זענען שוין זינט דאן באהאנדלט און באפרייט געווארן, לויט ווי דער קאלאמביאנא קאונטי שעריף ברייען מעקלאפלין האט איבערגעגעבן.
ריגעל איז פונקט דעמאלט פאראורטיילט געווארן פאר אן אטאקע פון פעברואר 2025, ווען ער האט זיך געוואלדזאם אריינגעבראכן אין א הויז מיט מענטשן אינעווייניג. ער איז שוין געווען אנגעקלאגט מיט עטליכע ערנסטע קלאגעס אריינגערעכנט בורגלערי, אטאקירן, און אנטלויפן פון פאליציי בעפאר דעם יעצטיגן אינצידענט.
יעצט ערווארט מען אז ער וועט באקומען א פרישע רייע ערנסטע טשארדזשעס, אריינגערעכנט אנטלויפן פון ארעסט און אטאקירן פאליציי אפיצירן, וואס וועט צוגעלייגט ווערן צו די יאר טורמע וואס ער האט שוין באקומען. ריגעל געפינט זיך יעצט צוריק אין די קאלאמביאנא קאונטי טורמע בעת אינוועסטיגעיטארס גרייטן אן דעם נייעם קעיס קעגן אים.
א קאלאמביאנא קאונטי קאורטהאוז האט זיך פארוואנדלט אין א פולשטענדיגע כאאס דעם מאנטאג, ווען א 20-יעריגער ארעסטאנט, טימאטי ריגעל, האט איבערגעריסן זיינע האנט-קייטלעך (הענדקאפס) און אנגעהויבן א ווילדע אטאקע אויף די דעפיוטיס וואס האבן אים ארויסגעפירט פונעם זאל.
בלויז עטליכע מאמענטן נאכדעם וואס דער דזשאדזש, סקאט וואשעם, האט אים פאראורטיילט צו 12 מאנאטן טורמע, האט ריגעל זיך באפרייט אין די קארידאר, זיך אויסגעדרייט און אראפגעשלאגן דעם אפיציר וואס האט אים באגלייט גראד צום פלאר. דערנאך איז ער ארויפגעפאלן אויף א צווייטן אפיציר און אים אויך אראפגעווארפן. ווידעא וואס איז ארויסגעגעבן געווארן דורך די שעריף'ס אפיס צייגט ווי דער ארעסטאנט לויפט מיט אן אימפעט דורכ'ן קאורטהאוז, גליטשט זיך אראפ די טרעפ, און יאגט זיך צו די הויפט טירן בשעת עטליכע דעפיוטיס לויפן אים נאך צו כאפן. ער האט שוין כמעט באוויזן ארויסצולויפן אינדרויסן, אבער איז אפגעשטעלט געווארן מיט א 'טעיזער' בלויז עטליכע טריט בעפאר די פרייהייט, און איז צוריק ארעסטירט געווארן.
ביידע דעפיוטיס זענען אפגעפירט געווארן אין שפיטאל מיט געבראכענע ביינער פון די געשלעג, אבער זענען שוין זינט דאן באהאנדלט און באפרייט געווארן, לויט ווי דער קאלאמביאנא קאונטי שעריף ברייען מעקלאפלין האט איבערגעגעבן.
ריגעל איז פונקט דעמאלט פאראורטיילט געווארן פאר אן אטאקע פון פעברואר 2025, ווען ער האט זיך געוואלדזאם אריינגעבראכן אין א הויז מיט מענטשן אינעווייניג. ער איז שוין געווען אנגעקלאגט מיט עטליכע ערנסטע קלאגעס אריינגערעכנט בורגלערי, אטאקירן, און אנטלויפן פון פאליציי בעפאר דעם יעצטיגן אינצידענט.
יעצט ערווארט מען אז ער וועט באקומען א פרישע רייע ערנסטע טשארדזשעס, אריינגערעכנט אנטלויפן פון ארעסט און אטאקירן פאליציי אפיצירן, וואס וועט צוגעלייגט ווערן צו די יאר טורמע וואס ער האט שוין באקומען. ריגעל געפינט זיך יעצט צוריק אין די קאלאמביאנא קאונטי טורמע בעת אינוועסטיגעיטארס גרייטן אן דעם נייעם קעיס קעגן אים.