געוויסע באריכטן געבן אן אז הנגיד ר‘ שלמה ווערדיגער איז אריין אל הקו"פ צו כ''ק האדמו"ר מגור שליט''א היינט אינדערפרי צו בעטן דעם רבי‘ן אויפצוטוישן ר‘ יצחק גאלדקנופ מיט ר‘ מאטי באבצי‘ק, אבער דער רבי האט געזאגט ניין.

היינט איז די יארצייט פון הרה"ח ר‘ צבי יודא ב"ר יוסף וויינשטאק ז"ל, געטרייער משב"ק ביי אדמור"י סאטמאר, וועלכער איז אומגעקומען אין א טראגישער עקסידענט.

היינט איז די 35‘סטע יארצייט פון ר‘ יענקל ראזענבוים הי"ד, וועלכער איז געשטאכן געווארן צום טויט מיט אכזריות, דורכאויס די באקאנטע קראון הייטס ראיאטן.

קרח מכאן וקרח מכאן: דער פראפאגאנדע מאשין פונעם ש"ס פארטיי איז אין פולן שוואונג לקראת די בעפארשטייענדע בחירות, און האבן ארויסגעשטעלט א רעקלאמע ווי ביי א שבת סעודה זיצט א ישיבה בחור נעבן זיין ברודער א חייל צה"ל רח"ל.

אבער די באַקלאַש האט נישט געשפעטיגט, כאפנדיג סיי פון די פרומערע פראקציעס אין ש"ס, וועלכע פירן א מלחמת חרמה קעגן די פאליטישע פירערשאפט פון ש"ס, אבער אויך ביי די פרייע עלעמענטן וועמען זיי האבן נעבעך געזוכט צו געפעלן האט עס מאסיוו בעקפייערט, ווען אלע זייערע קאנאלן שרייען אז זיי זאלן אויפהערן זיך 'גרויסהאלטן' מיט צה"ל ווען רוב זייערע בוחרים דינען נישט אין צה"ל.

דראמא אין ביהמ"ד גבוה ד‘לעיקוואד: הרה"ג ר‘ יוסף חיים קאטלער שליט"א, בנו יחידו פון הגאון ר׳ מלכיאל קאטלער שליט"א ר"י ביהמ"ד גבוה, וועט היינט צום ערשטן מאל געבן א שיעור אין ישיבה, וואס ווערט אויסגעטייטש אלס א כמו-הכתרה צו זיין פון די קומענדיגע דור ראשי הישיבה. אינטערעסאנט איז אז די נושא אויף וועלכע די שיעור וועט זיין געווידמעט איז ‘תולדותיהם כיוצא בהם‘....
 

היינט קומט פאר די בר מצוה פון די ערשטע אייניקל ביי האדמו"ר מראחמיסטריווקא שליט"א, אינעם שאטער נעבן די סלאנימער ביהמ"ד אין ירושלים.

די חתונה יעצט אין בני ברק פאר א אייניקל פון האדמו"ר מסקווירא, אן די השתתפות פון רבי‘ן.

זקן אדמור"י רוזין האדמו"ר מקאפיטשניץ איז געקומען נעכטן צום מלוה מלכה פון האדמו"ר מתולדות אברהם יצחק.

אין חברון איז לעבעדיג נאך וואס די דארטיגע ‘מועצה‘ האט זיך גענומען אויספלאסטערן און לייגן דירות/קארעווענען הארט נעבן די ארטיגע בית החיים חלקת חב"ד, און אנע בושה טוען טראקטארן שענדן קברים פונעם בית החיים, און נאך וואסנצענדליגע שטילע הסכמים צווישן די צדדים אז ס‘זאל נישט פאסירן איז געווארן פארלעצט איינמאל און נאכאמאל, זענען בי"ד רבני חב"ד געגאנגען אין קאורט צו באקומען א עמערזשענסי אפשטעל פון די ארבעט.

הגה"צ המשפיע ר‘ אלימלך בידערמאן שליט"א איז מתפלל אין מירון שטיל און באשיידן.

סיין ווערט אויפגעהאנגען אויפן בנין נעבן ביהמ"ד אהל משה סאטמאר מהרי"י אויף 58 אין בארא פארק, נאך וואס עס איז אפגעקויפט געווארן צו קענען פארגרעסערן דאס ביהמ״ד.
 

נאך גאנצע 56 יאר, האבן פראסעקיוטער אין דייטשלאנד אידענטיפיצירט ווער עס איז געשטאנען אונטער די שוידערליכע אנטיסעמיטישע ארסען אטאקע אין מינכן קעגן די אידישע געמיינדע צענטער אין יאר תש"ל, וועלכע האט געקאסט די לעבן פון 7 מלחמה איבערלעבער. זיי קענען נישט ארויסגעבן די נאמען ווייל דער מערדער האט גע‘פגר‘ט 6 יאר צוריק,

אינעם דעי קעמפ אין קרית טאהש איז מען אויפגעקומען מיט אן אינטערעסאנטע אקטיוויטי פאר די קינדער, צו געבן א אומזינסטע קאר וואש פאר אלע קארס אין שטעטל.

אין באיאן וועט מען דאס יאר דורכלויפן מיט א קוויטל נאכן טיש פון האדמו"ר הזקן מסאדיגורא זי"ע אנשטאט אריינגיין יעדער עקסטער לקראת די ימים נוראים, נישט צו באמיטשן דעם רבי‘ן.
 

הגר"ש אלתר האט זיך געטראפן מיט הגרמ"ה הירש.