בס"ד

"זיי שטיל, דו ביסט פעיק ניוז": פרעזידענט טראמפ רייסט אראפ א סי-ען-ען ריפארטער אינעם אוועל אפיס

פרעזידענט טראמפ האט געהאט שארפע ווערטער פאר א סי-ען-ען (CNN) ריפארטער דורכאויס א צערעמאניע אינעם 'אוועל אפיס' וואס איז געווען געווידמעט צו באערן א 16-יעריגן לייפגארד, ריידער וויליאמס, וועלכער איז געווארן אויסגעצייכנט פאר'ן ראטעווען א יונג אינגל פון דערטרינקען ווערן ביים קאליפארניע ברעג.

בעת טראמפ האט באגריסט דעם יונגן העלד און דאס קינד וואס ער האט געראטעוועט, האט די קארעספאנדענט קריסטען האלמס אנגעהויבן צו באמבארדירן דעם פרעזידענט מיט פראגעס איבער זיין באציאונג מיט צפון קארעא און איבער די אומשטענדן אויפן מיליטערישן שיף די 'USS אברהם לינקאלן'. דאס האט געברענגט א שארפע רעאקציע פונעם פרעזידענט אין פראנט פון די יונגע געסט.

"דו ביסט זייער דיסרעספעקטפול אין פראנט פון דעם יונגן מאן," האט טראמפ איר געזאגט, בעת ער האט זיך אויסגעדרייט צום יונגן לייפגארד וואס איז געזעצן נעבן אים און אים געפרעגט צי ער איז איינשטימיג מיט אים.

די געפעכט האט זיך שנעל אנגעהיצט, ווען טראמפ האט עטליכע מאל פארלאנגט אז די ריפארטער זאל אויפהערן רעדן, אבער זי האט ווייטער געשטופט אירע פראגעס.

"דו ביסט א הויכע, ווילדע פערזאן. דו ביסט פעיק ניוז. זיי שטיל. זיי שטיל. זיי שטיל. דו ביסט א פעיק ריפארטער און דו באריכטעסט פעיק ניוז," האט טראמפ געשריגן, אפווארפנדיג אירע פראגעס איבער די נעיווי שיף אלס אומפונקטליך און אומבאגרינדעט.

דער פרעזידענט טענה'ט שוין לאנג אז די מידיא ריפארטערס רייסן כסדר איבער צערעמאניעס וואס זענען געווידמעט צו באערן פשוט'ע אמעריקאנער בירגער, אריינווארפנדיג אומפארבינדענע פאליטישע פראגעס. די אינצידענט האט קלאר אפגעשפיגלט זיין פראסטראציע, וואס האט זיך אפגעשפילט לעבעדיג פארנט פון די קאמערעס דורכאויס וואס האט געזאלט זיין א פרייליכע מאמענט פאר א יונגן העלד.

די אנגעצויגענע מאמענט איז שנעל צושפרייט געווארן אויף סאשעל מידיא און קעיבל נייעס, און האט פריש אויפגעפלאקערט די לאנג-יעריגע אנגעצויגנקייט צווישן דעם פרעזידענט און די ווייסע הויז פרעסע קארפס איבער ווי אזוי און ווען ריפארטערס זאלן מעגן פרעגן פראגעס ביי אפיציעלע אווענטן.

שטיצער פונעם פרעזידענט טענה'ן אז ריפארטערס ווי האלמס נוצן כסדר אויס די סארט שיינע צערעמאניעס צו מאכן פאליטישע פוינטס, אנשטאט צו רעספעקטירן דעם מאמענט. פון די אנדערע זייט, זאגן קריטיקירער אז די געפעכט צייגט אויף א מער קעמפערישע באציאונג צווישן די אדמיניסטראציע און די מעינסטרים מידיא. ווי עס זאל נאר נישט זיין, וואס האט זיך אנגעהויבן אלס א שיינע צערעמאניע צו באערן א יונגן לייפגארד פאר זיין העלדישקייט, האט זיך געענדיגט מיט דעם וואס עס האט פארנומען די העדליינס פאר א גאר אנדערע סיבה.