מער ווי 20 פאלן באריכטעט וואו מ'האט פארסמ'ט בהמות אויף אידישע פארמען אין יהודה ושומרון
גאלערי
ווידעאס
שרעק צווישן אידישע פארמערס אין יהודה ושומרון נאך א רייע פארגיפטיגונג אינצידענטן אויף זייערע בהמות
אידישע פארמערס איבער יהודה ושומרון זענען אריינגעפאלן אין א טיפע זארג, נאך באריכטן איבער מער ווי 20 אינצידענטן אין די לעצטע יאר צייט וואו מען האט בייזוויליג פארגיפטעט זייערע שאף און רינדער. די אטאקעס שטעלן אין א דירעקטע סכנה זייערע חיות און זייער איינציגסטע קוואל פון פרנסה.
לויט ווי עס גיט איבער מאיר בערטלער, א פירער אין די 'שומר יו"ש' ארגאניזאציע, האט מען שוין עטליכע מאל געטראפן פארדעכטיגטע גיפטיגע מאטעריאלן אין די פאשע פעלדער און ביי די וואסער קוואלן וואס ווערן באנוצט דורך די בהמות. ער ווארנט אז די פארפעסטיגטע עסן און וואסער קען פירן דערצו אז די חיות זאלן ווערן ערנסט קראנק אדער גאר פייגערן אין א קורצע צייט-אפשניט.
אין א פרישן אינצידענט וואס האט פאסירט ביי די 'מצודת דוד' פארם אין די בנימין ראיאן, זענען פיר ציגן געטראפן געווארן טויט, וואס דאס האט געפירט די ארטיגע פאליציי צו עפענען אן אפיציעלע אויספארשונג איבער א פארדעכטיגטע בייזוויליגע פארגיפטיגונג.
די אנגעווייטאגטע פארמערס פאדערן יעצט פון די באהערדן א שטרענגערע אינפארסמענט און א פארשטערקערטע שוץ קעגן פרישע אינצידענטן. זיי ווארענען מיט א שרעק אז די טויטליכע מאטעריאלן וואס ווערן איבערגעלאזט אין די אגריקולטור געגנטער קענען חלילה אויך שטעלן א דירעקטע סכנה פאר מענטשן.
דערווייל האבן די אטאקעס שוין אנגעמאכט שווערע פינאנציעלע שאדנס און א גרויסע פחד צווישן די פאמיליעס, בעת די אויספארשונג גייט נאך אן צו דערגיין ווער עס טראגט די פאראנטווארטליכקייט פאר די בייזוויליגע אקטן.