איראן ווארנט אמעריקע: "דער באל איז אין אייער קארט צו פארמיידן א קריג"

איראן האט איבערגעגעבן דעם קומענדיגן שריט פאר וואשינגטאן, און דאס קומט מיט א שטרענגע ווארענונג. דער איראנער פארלאמענט ספיקער, מוחאמאד באגער קאליבאף, וועלכער פירט אויך אן מיט איראן'ס פארהאנדלונגס-טיעם, האט דעם 3'טן נאוועמבער געזאגט פאר געזעצגעבער אז טעהראן האט איבערגעגעבן א "פעסטע און ראציאנאלע ענטפער" פאר די פאראייניגטע שטאטן דורך פארמיטלער, און אז "דער באל איז יעצט אין אמעריקע'ס קארט צו פארמיידן א קריג."

קאליבאף האט קלארגעשטעלט און געווארנט אז סיי וועלכע נייע "סטראטעגישע טעות" מצד וואשינגטאן וועט עפענען א נייע פראנט פון מלחמה און וועט ברענגען אן אומפארשעבארע רעאקציע פון זייער זייט. ער האט צוגעלייגט אז די איראנער מיליטערישע קרעפטן געפינען זיך יעצט אויף די העכסטע שטאפל פון גרייטקייט זיך צו פארטיידיגן. ער האט אבער נישט אנטפלעקט וואס פונקטליך דער איראנער ענטפער אנטהאלט אין זיך.

די יעצטיגע אנטוויקלונגען קומען אין א גאר אנגעצויגענע צייט. זיינע ווערטער זענען געקומען נאכדעם וואס אמעריקע האט דורכגעפירט באגרעניצטע סטרייקס אויף איראן'ס 'קעשעם איילענד', וואס אמעריקאנער באאמטע האבן אראפגעלייגט אלס א דעפענסיווע שריט קעגן 'סורפעס-צו-עיר' מיסילס נעבן דעם סטראטעגישן 'סטרעיט אוו הארמוז'. דערווייל האלט איראן דעם דורכגאנג פארמאכט, און די רעוואלוציאנערע גווארדיע (IRGC) זאגט אז זיי האבן אראפגעשאסן אמעריקאנער דראונס.

אין די זעלבע צייט האט קאטאר אריינגעטרעטן אין בילד און פארשטערקערט אירע פארמיטלונגס-פרואוון, מאכנדיג עטליכע רייזעס קיין טעהראן צו פארהאנדלען איבער א מעגליכע אפמאך. אבער איראנער באאמטע האלטן זיך ביי זייערס אז דער דורכגאנג וועט זיך נישט צוריק עפענען סיידן זייערע פאדערונגען ווערן נאכגעגעבן.

דאס אלעס לאזט איבער עטליכע גרויסע פראגע צייכנס אין די לופטן: וואס פונקטליך שטייט אין איראן'ס ענטפער? ווי אזוי וועט אמעריקע רעאגירן? און צי קען דיפלאמאטיע זיך רוקן שנעלער ווי דער קומענדיגער מיליטערישער אינצידענט ביים וואסער? ביידע זייטן רעדן סיי פון א מעגליכע דיעל און סיי פון א פולשטענדיגע קריג אין די זעלבע צייט, און דער קומענדיגער שריט וועט ווארשיינליך באשליסן וועלכע פון די צוויי עס וועט למעשה פאסירן.