א משלחת פון די גרעסטע  וועלטס בארימטע כשרות ארגאניזאציע OU האט באזוכט ביי כ"ק מרן אדמו"ר מסאטמאר שליט"א ווע עס איז אויסגעשמועסט געווארען וויאזוי די OU גיט השגחה אין 108 מדינות אויף איבער 16 טויזענט פארבריקען, ווי אויך זייער ארבעט אין פארשידענע מקצועות, סת"ם, מזוזות, שעטנז, שמות  עירובין און מקוואות.

עס האבען זיך באטייליגט הרבנים הגאונים רבי משה עלעפאנט שליט"א יו"ר רבני מערכת הכשרות רבי נחום ראבינאוויטש שליט"א ממאנעסטריטש און רבי בנימין ארי' סג"ל גליק שליט"א מרבני מערכת הכשרות. דער רבי שליט"א האט געגעבן ברכת קדשו אז זיי זאלען מצליח זיין בעבודת הקודש בסייעתא דשמיא אנהאלטען די חומת הכשרות בכל קצוי תבל