גוטע נייעס פאר רייזנדע: 24-שטונדן באן סערוויס צווישן ירושלים און בן גוריון עירפארט

אנגעהויבן פון מוצאי שבת, נאוועמבער 14, וועט די 'רכבת ישראל' באן פירמע אנהייבן צושטעלן א 24-שטונדן סערוויס ארום די זייגער, צווישן די 'יצחק נבון' סטאנציע אין ירושלים און דעם בן גוריון עירפארט.

די נייע פארברייטערטע סערוויס וועט געבן די מעגליכקייט פאר פאסאזשירן צו רייזן צווישן ירושלים און דעם עירפארט דורכאויס די גאנצע נאכט, וואס וועט מאכן פיל גרינגער פאר טויזנטער רייזנדע וועלכע האבן פלייטס שפעט ביינאכט אדער גאר פרי פארטאגס.

דער נייער סקעדזשועל, וואס איז געמאלדן געווארן דורך די טראנספארטאציע מיניסטער מירי רעגב, איז א טייל פון א ברייטערע פראיעקט צו פארבעסערן און פארברייטערן די פאבליק טראנספארטאציע איבער גאנץ ארץ ישראל. אלס טייל פון דעם פלאן, זענען אויך ערווארטעט פרישע דירעקטע באן קאנעקשאנס און פארברייטערטע סערוויסעס אויף אנדערע רוטס אינעם נאנטן צוקונפט.