פון טעראר צו מיסט: אקטיוויסט פאדערט צו צעשמעלצן אלע חאמאס וואפן
גאלערי
ווידעאס
בס"ד
עזה קריטיקירער פאדערט: "נעמט צו אלע וואפן פון כאמאס און מאכט דערפון מיסט קאסטנס"
אמין עאבעד, אן עזה איינוואוינער און גרינדער פון די אנטי-כאמאס באוועגונג "מיר ווילן לעבן" וואס איז געגרינדעט געווארן אין 2019, לאזט זיך ווידער הערן, און דאסמאל קומט ער ארויס מיט א שארפע פאדערונג אז מען מוז אינגאנצן אנטוואפענען די כאמאס טעראר גרופע.
לויט עאבעד איז אבער בלויז אוועקנעמען די געווער נישט גענוג. ער טענה'ט אז די יוגנט אין עזה ברויך אדורכגיין אן ערנסטע פראצעס זיך אפצוגעוואוינען פון די עקסטרעמיסטישע אידעאלאגיעס וואס מען האט זיי אריינגעבאקן אין קאפ פאר לאנגע יארן. זיין פארשלאג גייט א טריט ווייטער ווי די געווענליכע רופן פאר אנטוואפענונג וואס ווערן יעצט געהערט אין די פייער-אפשטעל פארהאנדלונגען: ער זאגט מען זאל קאנפיסקירן יעדע איינציגסטע וואפן וואס כאמאס פארמאגט און עס צעשמעלצן צו מאכן דערפון מיסט קאסטנס, אזוי ארום וועלן די געווער וואס זענען גענוצט געווארן פאר טעראר פארוואנדלט ווערן אין עפעס וואס די פשוט'ע עזה איינוואוינער קענען פאקטיש נוצן.
עאבעד'ס ווערטער טראגן א שטארקע וואג צוליב דעם וואס ער האט שוין פערזענליך אסאך מיטגעמאכט פארן זיך לאזן הערן דעם אמת. ער איז שוין עטליכע מאל פארכאפט און ברוטאל צעשלאגן געווארן דורך כאמאס טעראריסטן בלויז פארן קריטיקירן זייער הערשאפט אין עזה, א ריזיקע וואס ווייניג איינוואוינער זענען גרייט צו נעמען, וויסנדיג ווי שטרענג די גרופע באגייט זיך מיט די וואס רעדן קעגן זיי.
זיינע פרישע קאמענטארן קומען אין א צייט וואס די פראגע פון אנטוואפענען כאמאס איז געווארן די הויפט שטרויכלונג אין די פארהאנדלונגען איבער עזה'ס צוקונפט נאך די מלחמה. די פארמיטלער, ארץ ישראל און די פאראייניגטע שטאטן שטיפן אלע פאר א געוויסע פארעם פון איבערגעבן די געווער, עפעס וואס כאמאס קעגנשטעלט זיך דערווייל. פאר קריטיקירער ווי עאבעד איז דער קאמף אבער נישט נאר איבער ווער עס האלט די ביקסן, נאר איבערן איבערהאקן דעם קייט פון ראדיקאליזם וואס האט לויט אים פארמירט דורות פון עזה איינוואוינער נאך אסאך בעפאר די יעצטיגע מלחמה האט אויסגעבראכן.
עזה קריטיקירער פאדערט: "נעמט צו אלע וואפן פון כאמאס און מאכט דערפון מיסט קאסטנס"
אמין עאבעד, אן עזה איינוואוינער און גרינדער פון די אנטי-כאמאס באוועגונג "מיר ווילן לעבן" וואס איז געגרינדעט געווארן אין 2019, לאזט זיך ווידער הערן, און דאסמאל קומט ער ארויס מיט א שארפע פאדערונג אז מען מוז אינגאנצן אנטוואפענען די כאמאס טעראר גרופע.
לויט עאבעד איז אבער בלויז אוועקנעמען די געווער נישט גענוג. ער טענה'ט אז די יוגנט אין עזה ברויך אדורכגיין אן ערנסטע פראצעס זיך אפצוגעוואוינען פון די עקסטרעמיסטישע אידעאלאגיעס וואס מען האט זיי אריינגעבאקן אין קאפ פאר לאנגע יארן. זיין פארשלאג גייט א טריט ווייטער ווי די געווענליכע רופן פאר אנטוואפענונג וואס ווערן יעצט געהערט אין די פייער-אפשטעל פארהאנדלונגען: ער זאגט מען זאל קאנפיסקירן יעדע איינציגסטע וואפן וואס כאמאס פארמאגט און עס צעשמעלצן צו מאכן דערפון מיסט קאסטנס, אזוי ארום וועלן די געווער וואס זענען גענוצט געווארן פאר טעראר פארוואנדלט ווערן אין עפעס וואס די פשוט'ע עזה איינוואוינער קענען פאקטיש נוצן.
עאבעד'ס ווערטער טראגן א שטארקע וואג צוליב דעם וואס ער האט שוין פערזענליך אסאך מיטגעמאכט פארן זיך לאזן הערן דעם אמת. ער איז שוין עטליכע מאל פארכאפט און ברוטאל צעשלאגן געווארן דורך כאמאס טעראריסטן בלויז פארן קריטיקירן זייער הערשאפט אין עזה, א ריזיקע וואס ווייניג איינוואוינער זענען גרייט צו נעמען, וויסנדיג ווי שטרענג די גרופע באגייט זיך מיט די וואס רעדן קעגן זיי.
זיינע פרישע קאמענטארן קומען אין א צייט וואס די פראגע פון אנטוואפענען כאמאס איז געווארן די הויפט שטרויכלונג אין די פארהאנדלונגען איבער עזה'ס צוקונפט נאך די מלחמה. די פארמיטלער, ארץ ישראל און די פאראייניגטע שטאטן שטיפן אלע פאר א געוויסע פארעם פון איבערגעבן די געווער, עפעס וואס כאמאס קעגנשטעלט זיך דערווייל. פאר קריטיקירער ווי עאבעד איז דער קאמף אבער נישט נאר איבער ווער עס האלט די ביקסן, נאר איבערן איבערהאקן דעם קייט פון ראדיקאליזם וואס האט לויט אים פארמירט דורות פון עזה איינוואוינער נאך אסאך בעפאר די יעצטיגע מלחמה האט אויסגעבראכן.